長浜No.1拉麵

Open Now

Now Closed

上次我自己食咗凍沾麵，我見大少嗰個no. 1拉麵好似好好味咁，所以我決定返兜。出奇地唔知大少只係叫咗一個玉子拉麵，而我竟然挑戰no. 1 拉麵.兩份拉麵嚟到嘅時候，其實我覺得根本就冇分別，只不過係我多咗3片紫菜，同埋兩片叉燒。我竟然挑戰no.1拉麵，碗面嚟到嘅時候，我已經覺得自己太貪心，眼闊肚窄。跟住大少同我講，佢覺得玉子拉麵對佢來講已經足夠飽肚。其實碗麵真係幾好食，個湯底又夠厚，亦唔會太咸，啲拉麵亦都好彈牙，份量亦都好足。只係我太過眼闊肚窄，越食越飽。我覺得男生可以食no.1拉麵，女生其實是一個玉子拉麵，或者係我上次推介嘅凍沾麵都已經好足夠。