泰歡迎 (Closed)

今日又要到黃竹坑總公司開會，每次上來也是一開就差不多5個鐘。 既然明知一陣冇得停，就先來吃過滿足午餐為自己沖一沖電。 之前來＂泰歡迎＂吃過幾次，但相隔半年再來，好像已有所不同。 枱數目少咗，有部份員工轉咗，最緊要就係味道也差咗。 三色冰椰汁味香濃，甜度ok不算太甜，但今次的綠色粉條太長，沒有切成小段。 一啖吸入口後後仍有長長吊在飲管內。泰式海南雞飯，油飯賣完，只得白飯。 但一放上枱已發覺有點不太一樣，雞肉煮至過熟又冇味，皮層下只得原塊脂肪。