川上龍 (Closed)

第一次嚟到試川上龍，環境裝修都唔錯，加上有一扇窗嘅街外景，樹影婆娑，喺晴朗嘅下午，都算賞心樂事，呢度嘅服務普普通通，嘢食總體來講都算有水準，不過亦有佢嘅瑕疵，佢嘅價錢我哋應該要求高一啲，所以，如果好似我今次有半價優惠，就不妨試下。桂花茶茶位$10/位，奉上嘅桂花茶，香濃味甘，值回票價。夫妻肺片其實係麻辣牛肺和牛脷，麻辣程度相當入脷入肺，相比起其他店子嘅薄切夫妻肺片，呢用厚切牛肺薄切牛脷，組合幾新鮮，口感幾好。川上龍招牌雞煲半隻雞嚟講，份量幾多，仲俾個電磁爐我，邊加熱邊食，相當正，雞肉好滑，不過味道無預期中咁濃，辣度屬小辣，裡面加左年糕，有驚喜，年糕軟熟但唔夠煙韌，整體仍算好味，醬汁稍濃些少就完美。口水雞絲冷麵麻醬味濃，冷麵唔夠彈牙，隨麵附上辣醬一碟，照顧食辣同唔食辣嘅人，夠細心。炸脆鱔脆鱔表面嘅黑醋汁做得唔錯，不過炸得唔夠脆，相信鱔肉喺炸之前整得唔夠乾身，於是就咁撲粉去炸，最後脆鱔出來變咗係韌鱔，味道係好，脆口欠奉，都算係失敗之作。