WM Café & Bar (科學園) (Moved) New Location

今日同朋友去咗科學園放風，放到咁上下就睇下附近有咩食 ; 科學園其實都幾大，而且都有唔少餐廳同重有 Food Court，競爭應該相當大。見到呢間餐廳環境唔差幾開揚，加上應該係食西式嘢，而且分左室外同室內，方便吸煙或者帶寵物來既人仕。👍🏻因為係閒日既下午，又過左 Lunch 時間，所以餐廳得我同朋友一枱客。唔知餐廳係咪全自助，見到兩個待應企係度傾計都無斟水比我地，所以自己斟。煙三文魚忌廉芝士闊條麵 : 有煙三文魚、車打芝士、冬菇、蘆筍。可惜醬汁實在太少喇，所以成個麵都很乾，而且餐廳用呢隻闊條麵實在太厚身同太硬，令成個闊條麵大打折扣。😔 😔芥末蜜糖煙火腿 Pizza : 餅底幾脆口，每啖都食到芥末蜜糖味，火腿份量都多，不過如果多返啲蟹柳絲，青椒果類配料點綴下，口感味道層次會更一步提升。其實餐廳地理位置一流，如果服務同食物質素再做好一點，相信可以喺科學園打響名堂並唔係難事。