茶墨 (Closed)

呢間店舖將日式和風注入台式飲品𥚃面，選用由日本🇯🇵同台灣🇹🇼入口嘅茶葉同食材，用上獨家專利嘅六段式萃茶機，令大家品嚐更香醇順口嘅茶。茶飲主要分為「墨」、「茶」、「乳」、「果」四大系列🍵💗麻糬芋泥茉莉鮮奶綠 ($39)以芋泥繪畫水墨紋理，綿密芋蓉保留咗少少芋頭粒，令口感更豐富，甜度亦啱啱好🍠鮮奶綠用上法國牛奶，絕不用奶精，味道自然，不過奶香唔夠濃郁。反而綠茶中嘅茉莉花香好突出，感覺相對清新怡人🌼底下有自家製奶味麻糬粒，細嚼煙韌軟糯，帶出淡淡嘅糯米香🍡💗士多啤梨雪糕奶昔($48)士多啤梨味好重，飲落唔會似藥水，酸酸甜甜咁🍓 雖然將士多啤梨雪糕加入新鮮牛奶打成，但奶香唔夠濃郁🥛反而有d 沙冰嘅口感，冇咗本身預期個種醇厚，飲到尾冰溶就變淡咗。連埋面頭嘅厚層忌廉攪拌，質感會更香滑🍧💗梳芙厘芝士蛋糕($34)蛋糕口感鬆軟綿密，奶味同蛋味香濃之餘，仲有淡淡忌廉芝士幽香🧀相對普通芝士餅較為輕盈健康，唔會太膩太甜。只係質素同A1- Bakery 個款經典圓形蛋糕冇乜分別，所以驚喜較少🍰