Video
Read full review
2018-06-06
85 views
鉄板燒屬於日本料理既一種， 以一塊大鐵板將食物加熱，由廚師喺鐵板上處理同烤煮唔同既食物。鉄板燒一般用上較高級同新鮮既食材，好多時不同鉄板燒店鋪既海鮮選擇上都會有龍蝦/鮑魚/大蝦等，而肉類通常亦有日本和牛/日本豚肉等選擇。部份人覺得鉄板燒係好貴所以就唔去食，但個人認為鉄板燒既價錢，除左部分去左租金度之外，當然就係可以品嚐到較高質素既食材，同埋呢個價錢亦包括近距離欣賞廚師烹製食物過程，甚至同廚師交流飲食心得。出外用膳，除左欣賞食物既材料，有時候亦可以係享受整個用餐體驗。講番正題，尖沙咀Ashley Road 亞士厘道近日以至近一年都新開左唔少新食店，尤其係一啲新大廈內有好多樓上既食店，主打日本料理。上次食過大廈其他食店既 omakase 廚師發辦後，留意到呢間［心鉄板燒］，所以今次同朋友夾定時間訂枱嚟試下呢間鉄板燒。心鉄板燒有兩個鉄板枱角落，唔會坐得太迫，平均每枱6個人圍住鐵板。餐廳內係望到些少海景，但當然呢度既賣點唔係景觀，而係廚師對食物既處理和烤煮。當晚兩位廚師都係女廚師，更加細心呢。餐廳夜晚主要分兩個時段，大約就係6:30以及8:30，建議大家想食就要預先訂位。夜晚除左可以單點之外，
講番正題，尖沙咀Ashley Road 亞士厘道近日以至近一年都新開左唔少新食店，尤其係一啲新大廈內有好多樓上既食店，主打日本料理。上次食過大廈其他食店既 omakase 廚師發辦後，留意到呢間［心鉄板燒］，所以今次同朋友夾定時間訂枱嚟試下呢間鉄板燒。
心鉄板燒有兩個鉄板枱角落，唔會坐得太迫，平均每枱6個人圍住鐵板。餐廳內係望到些少海景，但當然呢度既賣點唔係景觀，而係廚師對食物既處理和烤煮。當晚兩位廚師都係女廚師，更加細心呢。
餐廳夜晚主要分兩個時段，大約就係6:30以及8:30，建議大家想食就要預先訂位。夜晚除左可以單點之外，更可選擇一人套餐同二人套餐，各有特色，今次講一講呢款 $880既 一人套餐先。一人套餐包括有以下食物：前菜有海膽凍豆腐，蟹肉枝豆薯蓉同煮穴子沙律。
海膽凍豆腐
海膽質感幾 creamy，豆腐滑得嚟亦都幾重豆香。
蟹肉枝豆薯蓉
蟹肉融入左喺薯蓉，而薯蓉既質感都頗為軟滑。
煮穴子沙律
穴子屬於鰻魚類，肉質鬆軟，配上沙律同醬汁同吃。
龍蝦湯
食完三款前菜之後就揀湯，松露蘑菇湯 /龍蝦湯/花膠雞湯，3揀1。我就揀左龍蝦湯，味道頗為香濃。
翡翠鮑魚配柚子醋汁
見到食店內養殖住鮑魚，當有客人叫既時候就新鮮咁去烹煮。鮑魚好大隻，質感爽口之外亦都非常彈牙，不能錯過。
比目魚配波菜汁
好多人都驚食魚，因為除左怕腥之外，就係怕不同既食店會煮到啲魚變得乾同嚡。不過，喺心鉄板燒完全可以你令放低不必要既驚恐，因為呢度既比目魚經過輕輕一煎，外皮係香脆之外，魚既肉質係非常嫩滑。
味煮韓國螺
螺嚟自韓國，質感爽口彈牙。
神户黑豚肉
豚肉來自日本神戶，可以選擇厚燒或薄燒，朋友要薄燒，我就要左厚燒，然後大家分享一齊食。厚燒豚肉帶油香，肉質鬆軟，但個人更愛薄燒豚肉，薄燒豚肉包住韓國泡菜，咬落味道濃郁之外亦都爽脆多汁。
美國西冷
美國西冷同樣可以揀厚燒同薄燒，我同朋友都係一個叫厚燒一個叫薄燒，然後互相分享。厚燒西冷牛既質感結實得嚟不失鬆軟，同樣帶著脂香，而薄燒既西冷牛就較為滑身同爽口，各有各特色。
高菜文昌魚炒飯
炒飯炒得到粒粒分明，乾身得嚟唔會太濕，文昌魚起提鮮作用，配番隻蛋，飽肚程度剛剛好。
紅豆湯年糕配意式雪糕
年糕浸喺紅豆湯內，質感帶點煙韌。雪糕當晚可以揀鹽味，柚子味等，旁邊既圖案我見每個客人都唔同，我呢隻係羊仔，幾得意。
整體嚟講，份量絕對對得住價錢，呢間鉄板燒店食材質素同配搭都幾好，廚師喺時間同生熟度上亦都處理得唔錯，平均一個人唔使$1000就食到質素唔錯既鉄板燒，我同朋友都好滿意。
如果大家以前喺其他地方食過鐵板燒但覺得麻麻地，或者可以嚟呢度重新感受。而若果你未食過鉄板燒，不妨嚟呢一間試下，從［心］感受。
Post
