Video
Read full review
2018-12-09
1883 views
21/10/2018 係我家叵叵仔既2歲生日, 繼上年同佢去完迪迪尼再去食buffet, 今年又大個左喇, 認知又高左. 同佢攪生日會都係想佢開心啫. 諗黎諗去, 還是黎呢類親子餐廳, 佢會開心D! 今日又一行十個大人陪一個小朋友去開餐.入座前已經見到好多客人在門外排隊, 相信都係有唔少小朋友黎食生日飯! 因為見到好多大人都係拎住個蛋糕排隊!夠鐘喇! 登記後就安排入座.門外已經有唔少佈置喇! 訂座前, 職員話如果有小朋友生日, 會有簡單佈置, 好過冇丫~~ 餐桌附近都有不少玩玩可供小朋友玩樂! 真係小朋友既天地.而食野既隔離, 就有一大個地方、設施俾小朋友入去大玩特玩! 仔仔玩到癲左, 最愛波波池, 超開心!雖然呢度食物係其次, 不過也要品評一下呢度既食物. 簡單砌左一幅食物相, 就係今晚我地order既菜式.原本我地全部都係散叫, 但食食下才發現, 只要加 (唔記得幾多)錢, 就可以轉set, 所以最後就將主菜全部轉晒set~本身都唔太期望呢度既野食味道, 不過上枱後, 見個賣相又可以喎, 食落又可以入口喎.煙鴨胸柚子沙律 $108份量就唔算多架喇, 不過味道還可以, 因為沙律上都
入座前已經見到好多客人在門外排隊, 相信都係有唔少小朋友黎食生日飯! 因為見到好多大人都係拎住個蛋糕排隊!
夠鐘喇! 登記後就安排入座.
門外已經有唔少佈置喇!
訂座前, 職員話如果有小朋友生日, 會有簡單佈置, 好過冇丫~~
餐桌附近都有不少玩玩可供小朋友玩樂! 真係小朋友既天地.
而食野既隔離, 就有一大個地方、設施俾小朋友入去大玩特玩!
仔仔玩到癲左, 最愛波波池, 超開心!
雖然呢度食物係其次, 不過也要品評一下呢度既食物. 簡單砌左一幅食物相, 就係今晚我地order既菜式.
原本我地全部都係散叫, 但食食下才發現, 只要加 (唔記得幾多)錢, 就可以轉set, 所以最後就將主菜全部轉晒set~
本身都唔太期望呢度既野食味道, 不過上枱後, 見個賣相又可以喎, 食落又可以入口喎.
煙鴨胸柚子沙律 $108
份量就唔算多架喇, 不過味道還可以, 因為沙律上都撈左一些醋, 菜都算爽口.
黑松露薯條 $72
好香黑松露醬味, 薯條都係即炸既~
泰式炸蝦餅 $79
食之前忘記影相, 所以剩返2件, 哈哈, 記得大約有5件, 不過略細件. 味道可以.
豬仔脾配紅酒汁 $168
因為唔夠分, 所以未食到~ 但老爺話整得幾好食.
青芥蟹肉飯天婦羅蝦 $168
呢個真係有些青芥味道, 但好輕微的, 唔會覺得辣同攻鼻. 蝦炸得幾薄身, 唔會一口炸粉醬.
茄蓉雜菜意粉 $148
穩陣之選, 好濃郁茄醬味道, 好多雜菜菇菌配料, 清新之選.
黑松露野菌汁闊麵配青口 $198
又係好香黑松露味道, 汁好厚身! 唔錯
南瓜汁明太子蝦蟹肉意大利飯 $168
呢個味道偏淡, 但大蝦真係好大, 不過冇乜味道的.
大家都叫左飲品, 包括：生薑茶, 檸檬柚子茶等,
下面呢個係 水果茶 (2人前) $78
成支茄汁咁高, 入面都幾足料, 好多水果粒粒, 飲完又可以再食埋D生果!
忌廉蘑菇湯
呢個就係之後轉set既餐湯, 幾好飲! 個樣有D似麥皮!
茄汁炸豬扒飯
呢個都唔錯, 茄汁飯底!
純參考, 有些加單既可能未有顯示.
整體呢度有得食又有得玩! 小朋友一定開心既! 因為對食物冇期望, 所以食物黎到之後比預期中好, 就算是有驚喜了.
Other Info. :
無可否認, 呢個餐廳係小朋友既天堂, 因為就連大人既我, 都覺得入到黎好開心, 以為一節既時間, 又食又玩應該都足夠, 但當入到去既時候, 又會覺得D時間好快過!
不過留意既係入去光顧係有min charge, 而且又有清潔費用, 所以家長要留意喇!
(The above review is the personal opinion of a user which does not represent OpenRice's point of view.)
Post
