Video
Read full review
2017-04-24
646 views
一連幾日復活節假，無外遊嘅打算，不過，就搵咗一日同老婆晌港島區行山，揀咗只得1星極易行嘅港島徑第3段。行完山，落天后搵食，皆因一條電器道已選擇多多，啲價位又街坊。走入 「綠野仙踪茶座 」，環境新簇，原來新開無耐，算喺「仙」試為快。店內裝修唔算好特別，但勝在簡約乾淨，光猛醒神，尤其行完山，都有少少攰，如果環境太有情調真喺怕食食吓瞓着咗。我哋真喺好早嚟到，都仲未有客，食到中段，已有唔少客人幫襯。其實，晌門口經過時，已有店員介紹過佢哋嘅晚市套餐，平平哋$60、$70已有交易，貴啲嘅都喺$90鬆啲，所以，一早已打算點晚餐。套餐全包沙律或餐湯、主菜（9揀1）及飲品。惠顧套餐仲有啲升級優惠，如加配香脆雞翼、日式炸餃子、玫瑰奶凍……等等。然而，慣性都會影低啲餐牌，俾自己留個記錄又好，當俾有興趣嚟試嘅人當參考又好。個餐牌製作感覺幾清新，部份菜式附有圖片，啲字大隻而清晰，見過有啲餐廳，真喺做得好迤，又細、又懞。講到個散點餐牌，選擇都幾多，分類為全日瑰麗早餐、沙律、湯品、前菜、燴飯、意大利麵、甜品、梳打、台式飲品、花茶……等等。是日餐湯配法式蒜蓉吐司我哋兩個點兩客晚餐，自然就喺一個揀湯，一個揀沙律。是日餐
走入 「綠野仙踪茶座 」，環境新簇，原來新開無耐，算喺「仙」試為快。店內裝修唔算好特別，但勝在簡約乾淨，光猛醒神，尤其行完山，都有少少攰，如果環境太有情調真喺怕食食吓瞓着咗。我哋真喺好早嚟到，都仲未有客，食到中段，已有唔少客人幫襯。
其實，晌門口經過時，已有店員介紹過佢哋嘅晚市套餐，平平哋$60、$70已有交易，貴啲嘅都喺$90鬆啲，所以，一早已打算點晚餐。套餐全包沙律或餐湯、主菜（9揀1）及飲品。
惠顧套餐仲有啲升級優惠，如加配香脆雞翼、日式炸餃子、玫瑰奶凍……等等。
然而，慣性都會影低啲餐牌，俾自己留個記錄又好，當俾有興趣嚟試嘅人當參考又好。個餐牌製作感覺幾清新，部份菜式附有圖片，啲字大隻而清晰，見過有啲餐廳，真喺做得好迤，又細、又懞。講到個散點餐牌，選擇都幾多，分類為全日瑰麗早餐、沙律、湯品、前菜、燴飯、意大利麵、甜品、梳打、台式飲品、花茶……等等。
是日餐湯配法式蒜蓉吐司我哋兩個點兩客晚餐，自然就喺一個揀湯，一個揀沙律。是日餐湯喺忌廉蘑菇湯，以別緻嘅小碗盛載，並伴有一件法式蒜蓉吐司。個忌廉湯做得幾好，睇到混有唔少菌粒，用料無欺場，個人覺得口感就稍為稀咗少許。而吐司交足貨，外脆內軟，極富蒜蓉香味。
迷你沙律對比個湯，沙律就顯得普通咗，因為只喺沙律菜，再唧啲沙律醬，加少少香草，無乜特色可言，如果加少少車厘茄，又或幾片士多啤梨，喺咪好好多呢！幸而啲沙律菜夠爽，開開胃都還可以。由於套餐只可2揀1，但可以+$8（升級優惠），配多一客餐湯或沙律。
黑松露野菌扁意粉 $85主菜老婆就揀定全素嘅扁意粉，睇外觀就見個扁意粉非常多料，幾款菇菌外，更加入唔少燈籠椒，認真啱晒佢。而且，相信下咗唔少松露醬，十分芳香馥郁，個汁嘅稀杰度啱啱好，所以，啲扁意粉好掛汁，又煮得夠咬口，老婆就好讚個意粉。
辛香惹味冬蔭功燴飯 $95小弟就揀咗刺激少少嘅冬蔭功燴飯，其實，冬蔭功就飲唔少，用嚟做燴飯，感覺幾特別。一身橙紅，鮮豔奪目，非常搶眼，但入口比預期少辣，所以，相信大部人都食得到，最亮點喺個味道，冬蔭功嗰份酸酸辣辣，又帶香茅嘅味道好突出，再配合啲燴飯好咬口，海鮮料夠鮮味，尤其啲蝦頗爽口，整道燴飯都好出色。
唯一挑剔，肯定喺啲香茅嘅處理手法，因為大廚將香茅軋碎嚟煮，佢唔似蔥、蒜，煮過之後變腍，香茅都仲喺咁硬身，非常巉口，都喺原支去煮個汁會合宜啲。
凍珍珠奶茶、熱檸水唔使加錢都可以選台式咖啡、奶茶，就梗喺揀飲凍珍珠奶茶啦。奶茶香甜，啲珍珠夠晒大粒，煙煙韌韌兼帶有黑糖嘅自然甜味，近排開始天氣熱，加上個燴飯帶微辣，所以，令杯凍珍珠奶茶讓人飲得更爽。
因為我哋嚟得早，所以，客人當時唔太多，服務就自然熨貼啲，而且，食完都無點催我哋埋單，仲抹乾淨枱面叫我哋慢慢坐，故此，啲服務又真喺幾好。此外，我睇餐牌時見寫明收加一服務費，但最後埋單就無收，問問店員，原來喺新張關係，但幾時先會收番就未知！
Post
