Video
Read full review
2023-05-06
1755 views
又係介紹自助餐的時間，通常母親節大家都會一家人開開心心食，如果你未訂，可以諗下香港沙田凱悅酒店咖啡廳嘅lunch buffet，當然好似下星期都爆爆地，不過未必一定係正日食嘅，但呢排個theme都好值得過黎試吓。咖啡廳嘅野食不嬲唔錯，上周就試左buffet lunch，今次同本地魚場「仟國水產」合作，佢地為酒店及沙田 18 提供碳足跡較低的本地海鮮，減少外地海鮮遠程運送的不必要能源使用，環保概念已經滿分。如果你鐘意食魚，一定好喜歡呢個自助餐，好多唔同嘅魚類食，燕魚、白花魚及黃立鯧，全部肉質都非常有彈性，骨又少，清蒸本地養殖燕魚肉質鮮甜。白花魚就用上青芒果絲、車厘茄、洋葱絲及秘製泰式沙律汁做左個好開胃嘅魚。另外，香煎辣味本地養殖白花魚用上西式做法，香煎後再加上車厘茄、乾葱頭、羅靭等，最後澆上滾油，魚味濃郁。炸本地養殖黃立鯧炸魚餅，同你平時食嘅口感完全唔同。另外，另一煎黄立鯧起肉後， 加入西式辣肉腸、冬菇粒、陳皮絲打成魚膠，煎至金黃色，外脆內軟。中式嘅原條黃立鯧蒸剁椒，參考了湖南剁椒大魚頭的方式，做左個辣子魚，呢個係我最愛的菜式之一。除咗呢個主題之外，佢嘅四大open kitchen co
又係介紹自助餐的時間，通常母親節大家都會一家人開開心心食，如果你未訂，可以諗下香港沙田凱悅酒店咖啡廳嘅lunch buffet，當然好似下星期都爆爆地，不過未必一定係正日食嘅，但呢排個theme都好值得過黎試吓。
咖啡廳嘅野食不嬲唔錯，上周就試左buffet lunch，今次同本地魚場「仟國水產」合作，佢地為酒店及沙田 18 提供碳足跡較低的本地海鮮，減少外地海鮮遠程運送的不必要能源使用，環保概念已經滿分。
如果你鐘意食魚，一定好喜歡呢個自助餐，好多唔同嘅魚類食，燕魚、白花魚及黃立鯧，全部肉質都非常有彈性，骨又少，清蒸本地養殖燕魚肉質鮮甜。
白花魚就用上青芒果絲、車厘茄、洋葱絲及秘製泰式沙律汁做左個好開胃嘅魚。另外，香煎辣味本地養殖白花魚用上西式做法，香煎後再加上車厘茄、乾葱頭、羅靭等，最後澆上滾油，魚味濃郁。
炸本地養殖黃立鯧炸魚餅，同你平時食嘅口感完全唔同。另外，另一煎黄立鯧起肉後， 加入西式辣肉腸、冬菇粒、陳皮絲打成魚膠，煎至金黃色，外脆內軟。中式嘅原條黃立鯧蒸剁椒，參考了湖南剁椒大魚頭的方式，做左個辣子魚，呢個係我最愛的菜式之一。
除咗呢個主題之外，佢嘅四大open kitchen counter ，燒烤counter勁多嘅燒烤如羊架、牛肉、雞翼、腸仔都煎得勁香，仲有多種唔同嘅刺身，中餐仲有粉麵檔，燒味檔，鹵水，意粉等等，甜品檔當然佢嘅甜品都好出色，另外仲有凍嘅水果伯爵茶任飲，海鮮檔就應該唔駛講，剩係蟹腳都夠食。
如果你家人鍾意食魚，我覺得好值得過嚟呢度試吓，因為食到嘅魚同你平時喺出邊見到嘅都真係幾唔同，就算喺西貢流浮山三聖都一定冇呢啲咁嘅魚。
PS之前成日食晚餐，原來呢度食午餐個環境真係好舒服， 270度都係綠草如茵嘅景色，好適合一家人一班朋友過一個唔錯嘅下午，仟國水產個promote做到14日，但係其實好多item之後都會有，價錢咁平都夠食得開心。
Post
