LAB EAT Restaurant & Bar (金巴利道)

Open Now

Now Closed

返工咁大壓力，一定要得閒無事食下好嘢慰勞自己，今日就去咗Lab Eat 食晚餐，佢哋嘅餸菜除咗好食之外，食物擺設仲非常之有心思，絕對值得一讚。先嚟嘅就係餐前麵包，食落非常鬆軟，仲可以點橄欖油同黑醋。然後嚟嘅係mocktail Hopeful，佢嘅成分有乳酪、菠蘿汁同薄荷，飲落去好清新。我就嗌咗杯咖啡做主調嘅cocktail Present，用咗咖啡、Bailey、Vodka 同咖啡甜酒，餐廳會預先調配好酒分開上，食客可以按照自己喜好，慢慢加落去杯咖啡度，隻好可愛嘅熊仔係咖啡味嘅冰，所以就算溶咗都唔會溝淡杯酒。作為前菜，我哋就叫咗法國生蠔，食物新鮮又有海鹽味。然後嚟嘅就係法國鵪鶉髀，平日鴨脾就食得多，鵪鶉髀比鴨更加有效鹹香味，絕對值得一試，配合埋蕃茄酸酸甜甜就可以中和一下味蕾。然後就係黑毛豬扒，擺設好有心思，好似一幅畫咁，豬扒烤到有少少焦香味，亦唔會太乾身。跟住就係黑松露海膽忌廉意粉，一擺低嘅時候已經聞到濃鬱嘅黑松露味，海膽食落去好滑，配合埋忌廉意粉，口感令人非常滿足。甜品叫咗個opera蛋糕，朱古力味蛋糕加上雪糕，作為收尾非常合適。