囍源古早蛋糕 (Closed)

今日行過見到新鮮出爐，就買咗三大份！👍🏻鹹蛋肉鬆呢兩個口味真係最佳拍檔，蛋糕除咗無燶邊無燶底，中間個層肉鬆夠澎湃之餘，餡料更加成一直線，睇得出師傅追求完美嘅程度！肉鬆唔會太碎太散，鹹蛋亦保留咗蛋碎係蛋糕內，食落份外有口感。👍🏻杏汁杏仁面頭鋪上好多杏仁片，十分香口。蛋糕帶有淡淡杏仁香氣，食落清甜亦無搶去原有既蛋香。蛋糕好夠濕潤，脹卜卜。👍🏻擂沙芝麻小編超鍾意食雷沙湯丸，店主大膽將呢一個構思放係古早味蛋糕之上，中間嗰層芝麻味好濃香，好杰身，外配擂沙粉唔驚會潮化，食既時候可以自行添加。👍🏻👍🏻咩味都可以加髒髒朱古力面，仲可以自己選擇配搭底層、夾心層、面層、或者半份半份，不過就要早兩日通知，小店先可以安排材料同食材！👍🏻👍🏻如果你真係好趕時間，或者唔太順路，小店仲可以安排A出口交收！（超級超級貼心）💡保存方法：唔食嘅時候記住放返喺雪櫃，翻熱可以用電飯煲，唔加水焗15分鐘，就可以品嚐返濕潤而且脹卜卜嘅古早味蛋糕。（不太建議微波爐或者焗爐，始終唔同度數嘅火力都會有影響唷！）💡其他蛋糕資訊：如果你買茶味或者榴槤味蛋糕可以凍食；紅豆蛋糕，店主會加上20年陳皮； 黑粉露 芝士蛋糕，店全會原粒刨，所以蛋糕