Video
Read full review
2018-05-09
769 views
大埔都算係新界一個出名多嘢食嘅地方，一提起大埔嘅嘢食大家都會即刻諗起車仔麵串燒同埋雲吞麵，不過今日就同朋友試咗間日式嘅拉麵店水準非常之高，叫和拉麵。餐廳嘅裝修都係沿用日式嘅設計，門口釣住一個好大嘅紅色燈籠寫住豚骨，唔知係咪同呢度嘅湯底有關，座位都尚算寬躺，內部裝修同埋燈光都幾舒服滿有日本風味。既然見到門口釣住大大個紅色豚骨字燈籠我同朋友都叫咗個豚骨湯拉麵，小食方面我哋就叫咗個芝士玉子同埋芝麻雞翼。拉麵即叫即做大概需時15分鐘到拉麵嘅湯底散發住好濃郁豬骨嘅香味，首先真係要讚一讚佢哋嘅豚肉，豚肉每一塊都經過封煎嘅處理，有少少脆口同埋炭香嘅惹味。湯底有非常之濃郁嘅豬骨味道，湯嘅色澤比較上冇平日食開知名拉麵鋪湯底咁化白，感覺上湯底比較清澈但係絕對唔會淡口，反而呢一個豬骨湯底比出邊比較知名嘅連鎖食拉麵鋪做嘅湯底味覺層次上更加豐富，唔會係一尾只係濃味同重口味，我個人就幾鍾意呢個湯底。拉麵嘅質地比較有咬口，慢慢食拉麵食到最後會開始吸收豚骨湯嘅湯汁，你就食到每一啖拉麵都有非常之濃郁嘅豬骨風味，再加上佢哋嘅漏心蛋滿足感滿滿！之後就要講講佢哋兩款小食，芝士玉子比較偏向一口小食，芝士味雖然唔係太重但係就突出
餐廳嘅裝修都係沿用日式嘅設計，門口釣住一個好大嘅紅色燈籠寫住豚骨，唔知係咪同呢度嘅湯底有關，座位都尚算寬躺，內部裝修同埋燈光都幾舒服滿有日本風味。
既然見到門口釣住大大個紅色豚骨字燈籠
我同朋友都叫咗個豚骨湯拉麵，小食方面我哋就叫咗個芝士玉子同埋芝麻雞翼。拉麵即叫即做大概需時15分鐘到
拉麵嘅湯底散發住好濃郁豬骨嘅香味，首先真係要讚一讚佢哋嘅豚肉，豚肉每一塊都經過封煎嘅處理，有少少脆口同埋炭香嘅惹味。
湯底有非常之濃郁嘅豬骨味道，湯嘅色澤比較上冇平日食開知名拉麵鋪湯底咁化白，感覺上湯底比較清澈但係絕對唔會淡口，反而呢一個豬骨湯底比出邊比較知名嘅連鎖食拉麵鋪做嘅湯底味覺層次上更加豐富，唔會係一尾只係濃味同重口味，我個人就幾鍾意呢個湯底。拉麵嘅質地比較有咬口，慢慢食拉麵食到最後會開始吸收豚骨湯嘅湯汁，你就食到每一啖拉麵都有非常之濃郁嘅豬骨風味，再加上佢哋嘅漏心蛋滿足感滿滿！
之後就要講講佢哋兩款小食，芝士玉子比較偏向一口小食，芝士味雖然唔係太重但係就突出咗玉子香甜既蛋味，質地非常之軟熟但唔會過分鬆散。
芝麻雞翼外層炸得非常之脆口，食落口唔會成口油唔會感覺 覺得油膩，不過食落口又真係非常之重嘅芝麻香，裏面嘅肉汁封鎖得非常之好。
我個人推介呢一間拉麵店俾大家，好肯定同大家講拉麵嘅湯底未必一定係濃郁就代表係一種好嘅湯底，味道嘅層次同埋濃淡嘅調教先係表現出師傅嘅功架，大家不妨一試。
Post
