和拉麵

Open Now

Now Closed

依個係香滑豚骨拉麵，加$12可以轉為特濃湯底，湯底入口確係香滑，有豚骨香但係唔會好漏，可以飲得晒成碗湯。配料有半隻溏心蛋、兩塊叉燒、木耳絲、青蔥、筍、紫菜，兩塊叉燒一大一小，大嗰塊叉燒肉質正常，豬皮有彈性，有輕輕燒過所以聞落幾想，但係細嗰塊叉燒嘅肉質好鞋，好似煲湯嘅瘦肉咁，有點可惜，至於溏心蛋嘅生熟度同埋味道都唔錯，筍亦無異味。除咗固定幾款嘅拉麵湯底，仲有其他期間限定拉麵，例如牡蠣湯、貝汁雞豚清湯、醬油雞豚清湯，另外小食嘅選擇都比一般拉麵店多，有串燒、炸物、天婦羅等等。

最近因為工作關係遠征到大埔區😂😂經同事介紹之下 行到一條小巷試試拉麵小店門外仲有隻可愛貓咪🐱😍😍整體食物飲品定價唔貴 加$10就可以升級成套餐包小食及飲品 因為趕時間的關係我地每人只點了一碗拉麵⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰▪️味噌湯拉麵$88味噌湯底濃郁而唔會太鹹 我圈咗蔥量大盛 覺得蔥嘅份量可以再多啲！▪️ 豚骨原味拉麵$83（特濃+$12）如果唔點特濃 湯底會較清冇咁濃稠而且味道偏淡半熟蛋夠流心 豚肉肥瘦適中帶焦香麵質可以自行選擇軟硬度👍🏼拉麵麵條彈牙拉麵小店座位唔多 繁忙時間應該需要等位值得一讚係員工嘅服務態度👍🏼👍🏼最尾員工發現唔記得俾水我哋 仲主動道歉馬上斟返水🙏🏼付款後仲會每人送一粒糖👍🏼

天氣凍凍地🥶🥶🥶特別想食d 湯麵今次去左大埔宜間和拉麵🍜🍜大埔朋友話佢本人都未食過🤣🤣我叫左碗味噌湯 今次記得❌走蔥❌走荀佢就叫左🐷🐷豬骨濃湯仲⭕️圈要特濃我個碗唔圈特濃我都覺得好夠味但佢個碗真係好好味💯💯又隔離飯香😂😂佢個塊叉燒都唔係講笑😋😋😋好香佢勁多木耳絲好彩朋友叫我收手 睇下食唔食得落先好叫小食唔係眼闊肚窄大嘥鬼又出現好少食拉麵係飲到得返1/3湯推介大家食一定要圈濃湯⭕️

用餐時間 （9:30pm late dinner）食物 🍜為試真章（決定走蔥蒜），豚骨原味拉麵湯底出色，濃味而不鹹，湯底掛在麵條上，滋味無窮廚師特登為我哋做一個味噌素食拉麵🥦，（叉燒轉木耳絲），糖心蛋俾埋我 lol，味噌味正常，不過不失，但態度用心可嘉！茄子天婦羅 🍆，炸醬薄，食材新鮮，好食，但個人喜歡醬汁比較酸，醬汁有進步空間.酒 🍶有生啤酒Suntory，個人特別欣賞餐廳有半杯（half pint）選擇，同埋細枝hoegaarden，適合一人之境，另外有其他日本酒選擇.店員 🤓問佢有冇素食選擇，會耐心同廚房溝通，再認真覆，唔會Hea答。俾完兩杯凍水，叫佢比杯暖水唔會黑面.餐廳氛圍 🎶 最鍾意見到日式門口掛日式燈籠，餐廳播住日本音樂好有日本居酒屋feel🏮🏮 老闆見我對黑膠有興趣，即刻播俾我聽，仲要係谷村新司 🤩

之前都book mark咗，但因為時間太忙都未有機會去試 今日終於去到本身諗住試龍蝦湯底，但係賣晒和拉麵聽聞啲湯底係自己煲出嚟 咁無左我想試嘅龍蝦湯就唯有試下貝汁雞白鹽味原湯 一上枱飲左一啖湯 飲得出係自家煲

今日落左尼大埔揾嘢食，有朋友推介我去食呢間和拉麵，作為鍾意食拉麵嘅我，當然忍唔住去試一試。一入到餐廳，都唔算好多位，但嗰日唔洗等位就有得坐。位同位中間嘅間距都有少少窄，但環境佈置都幾有心機。衛生方面都做得唔錯，乾淨整潔。嗰日食左佢地期間限定嘅醬油清湯拉麵($108)。湯底清而不油膩，麵質彈牙且掛湯，配合清湯底感覺不錯。配料都唔錯，燒過嘅薄叉燒充滿肉味和焦香味，木耳絲和荀絲都好爽口。佢枱面仲有一罐辣芽菜，配合拉麵一齊食幾有驚喜。美中不足嘅係隻糖心蛋熟咗少少。但整體而言都幾好食！

話說我男朋友唔係好鍾意食拉麵，但係竟然俾我哋喺大埔搵到呢間隱世拉麵小店😳係佢都中意食！♥️和拉麵嘅款式唔算超多，但係勝在豬骨湯底有一種好raw真材實料熬製而成嘅清甜😚男朋友叫咗個辣湯底🌶️佢嘅辣都唔算好辣，但係就有一種餘韻嘅刺激感🤩唔會覺得好Heavy反而越食越開胃！😆至於配料Standard得嚟又有質素保證😎叉燒燒到有燶味🤤半熟蛋夠流心🍳紫菜都好有鹹香味~! 👍P.S. 呢張圖係普通豬骨湯底，因為個辣拉麵已經急不及待地俾人食咗😂

平時都食開呢間拉麵今日見佢有個貝汁雞白拉麵收工幾夜都要試😡去到好彩仲有兩碗即刻落單試試佢等咗3分鐘之後就有啦湯底係好清飲落魚湯同貝殼既鮮甜好正👍🏻加埋拉麵吸哂啲湯每啖麵都好好味😋最後飲晒成個湯底 都唔覺得口渴👍🏻再叫返個特濃豬骨湯拉麵有比較之下 呢個豬骨湯好濃膩飲完個清甜既湯再飲呢個層次好分明😍一個字：正👍🏻👍🏻👍🏻

Follow : @eatgoodwest.sin📌大埔拉麵小店💛佢地出左濃版嘅醬油雞白湯拉麵我覺得以前隻味好味啲～而家多左幾濃味嘅醬油味 無左佢地一開始雞白味嘅純粹～不過都係幾好食的～叉燒都有水準～希望佢地出返之前版本嘅雞白湯拉麵🥹🍽️ 食物：🌕🌕🌕🌑🌑🥂 飲品：NA👩🏻‍🍳 環境：🌕🌕🌗🌑🌑💯CP值：🌕🌕🌗🌑🌑✅回頭率：🌕🌕🌕🌑🌑Overall: ⭐️⭐️⭐️ (out of ⭐️⭐️⭐️⭐️⭐️)📍和拉麵 @woramenhk 地址: 大埔運頭街20-26號廣安大廈地下J號舖Hashtags🔎#eatgoodwestsin_yellow#eatgoodwestsin_taipo#eatgoodwestsin_japanese

龍蝦湯拉麵🌟🌟🌟🌟🌟👉🏻麵質選了軟，正常口感，如喜歡好淋既麵質叫超級淋更好😅👉🏻龍蝦湯底濃郁鮮味，食完麵飲埋個湯先夠喉😹👉🏻自製豚肉片非常好味，肉面有微燒焦過焦香可口👍有肉味冇雪味👉🏻紫菜吸曬啲湯非常好味😋紫菜既鮮加上湯底既鮮非常提鮮🆙👉🏻筍好爽口之餘吸曬啲湯🤩咬開啲湯鮮味湧出黎好好味🤤和牛拉麵🌟🌟🌟🌟🌟👉🏻麵質選了超級軟（對於我呢種易胃痛難消化既人非常適合👍👍）👉🏻和牛微燒過有焦香入口即溶又有牛脂香非常有驚喜🤩🤩🤩👉🏻牛脂香完全融入湯底非常濃厚，都係好飲到可以飲埋湯底🤤🤤🔆溫馨提示🍜龍蝦湯底係期間限定，想食既話可以聯絡店家問左有冇先😉咁就唔洗去到失望喇❣️🍜這兩款拉麵都不用填拉麵紙，如需選麵質/多蔥走蔥等特別要求記得主動同店員講喇‼️🍜拉麵小店面積較細，有機會要等位，同埋最好唔好拎住好多野去，因為人多冇位擺就要放地下或者攬住喇😉

位於運頭街裡的日式拉麵店，門口感覺細細的，但估唔到入面都坐到幾多人㗎喎。一邊有梳化座位，坐得舒適，不過枱與枱之間有比較近，食完離開張枱走時要小心出入囉。🍜 豚骨原味拉麵 (HK$83)．熱辣辣出煙咁送上枱，係比較凍嘅晚上嚟食會覺得好吸引，好正！．先飲湯，湯底看似清清的，入口香滑，豚味好濃郁而不覺膩，正是博多拉麵的特色．拉麵的麵條比較幼身，幸好師傅煮得剛好，有咬口👍🏻．2大片叉燒，切得好薄同而燒得香脆可口，肥嘅位置都好好食😋．留在最後係半隻溏心蛋，因為湯底好熱，令隻蛋黃邊熟咗少少，但大部分依然流心的，呢一餐又有個完美嘅完結🫶🏻

#20230409 💛📍 和拉麵 大埔運頭街20-26號廣安大廈地下J號舖➖➖➖➖➖➖➖➖➖➖➖➖➖➖➖➖➖➖#蟹籽沙律 $38💭 面頭鋪左好多蟹籽，下面都係青瓜絲呀、菜絲呀同啲蟹柳，再配沙律醬，感覺健康🌱反而🐷幾鐘意佢預先撈好左，唔使尼到係個碗度撈搞到成枱都係😅.#辛辣拉麵 #小辣 $88💭 湯底可以加$12轉特濃，不過就咁🐷都覺得已經夠濃，佢個叉燒有用火槍炙燒過，食落香啲，油脂味都濃郁啲🐖唔夠辣枱面有兜辣芽菜可以自己加，同平時粉麵啲辣菜脯有異曲同工之妙，增加辣味之餘都增加左口感👍🏼.#龍蝦湯拉麵 $118💭 龍蝦湯飲落好濃郁🦞飲一啖即刻覺得真材實料，又唔會好咸或者好重味精，可以成碗飲晒都唔覺口渴😬見到有個雞白湯拉麵都仲貴啲，令🐷覺得下次要試下😎.

星期日食，1PM到，本身預都要等半個鐘，但可能因為落雨，個位又係地舖，落雨人流少好多，所以唔使等位直入！兩個人食，叫咗兩個豚骨原味拉麵同一份日式煎餃子。拉麵嚟講溏心蛋要流同湯要夠熱係基本，和拉麵都做到，而且都好味 叫咗多蔥，可以再多啲餃子一份四件，有點太瘦弱(如圖)，味道一般，覺得不叫無妨。service就好好，上菜快，同埋主動fill咗幾次水地理位置唔就腳，所以唔算成日嚟食，但大埔好少拉麵店，想食拉麵都會特登過嚟～

已經好久沒有寫食評了，最近一連食了2間好多人讚的食肆，但都沒有想像的好，所以決定再分享一下自己的感受！一直有留意和拉麵，在食評內絶大部份的評價都很好，所以趁着假期，昨天和女友決定一試。大約兩時到達，由於已經滿坐，所以要攞籌，等到第3張枱就到我們了，大約等了二十分鐘。我們一早已經決定了食什麼，所以只是隨便再看一下menu便下單了。我們只點了2個拉麵，豚骨原味拉麵（$83）和辛辣拉麵少辣（$88）。不用等多久，2碗拉麵便送到了。首先試豚骨原味拉麵，感覺湯底比較稀，味道也比較淡，麵份量也不多。湯底沒有我想像的好，想反2塊叉燒我覺得幾好食😋。之後食辛辣拉麵，雖然是少辣，但也有一定的辣度，唔食辣的人，要諗清楚先好叫😆，除了多了辣味，基本上同豚骨原味拉麵差唔多。不消一會2碗拉麵就吃完，埋單俾錢才發現原來全日堂食有8折，如果是正價感覺CP值偏低了。員工好有禮貌，環境也可以。不過我未必會再試😁。

依間小店位於近廣福道既一條巷，已經食過好幾次👍🏻而且仲係一間良心拉麵店💛梗緊要支持啦😋鋪頭環境細細間，不過都坐得唔算太迫。我係午市去，個陣唔太需要等位，不過晚市比較多人最好抵打去問下有無得book位先。 今次我就試左佢既辛辣拉麵😋拉麵有得簡自己既口味，依樣麵非常細心 拉麵湯底夠味，麵煮得岩岩好，辣辣地都幾開胃👍🏻不過我覺得拉麵黎講d湯唔算太掛到係麵到，變左有少少唔夠入味，不過我覺得以價錢黎講算係性價比唔錯，值得一試💛