Video
Read full review
2022-10-26
62 views
今次已經係第三次嚟幫襯啦，雖然唔係再食返之前食過嘅菜餚，但食物味道此終無讓我失望。剛坐低，友人見到侍應手上的通菜，立即話想食通菜，佢鍾意食辣，所以毫不猶豫就揀左泰式飛天炒通菜($98)，通菜炒得非常惹味，真係有d辣，但係蒜蓉又非常之香、通菜好靚，無渣、脆身，雖然我唔食得辣，但係都食完一箸又一箸，食到鼻水流都要繼續食🥵。不過嗜辣朋友就話完全唔覺得辣。除左通菜，蒜蓉包都係朋友喜愛食物之一，當然又叫左一客啦，一客4件，每件大約如手掌般大，之前已經講過，好鍾意呢度嘅蒜蓉包，真係有好多粒粒蒜蓉，唔喺一般蒜蓉醬可以食到嘅香味。主菜要左泰式濕炒牛河($98)，呢個真係炒得幾好味，多汁而唔鹹。牛肉都處理得好軟腍，河粉都算爽。特別之處係面層灑了不少胡椒粉。飲品點左椰汁冰，好重奶味，好啱我口味。最後嘅甜品，當然係我最愛嘅芒果糯米飯啦，每次嚟親我都一定會叫呢個，因為真係勁好食，暖笠笠嘅糯米飯，又香又軟，仲煙煙韌韌，配埋清甜嘅芒果一齊食，呢個無得輸，真係一定要叫。就算之前已經食得好飽，但一上枱就已經忍唔住，要即刻𢳂嚟食，一啖一啖完全食到停唔到口。我唔算食過好多泰菜，但呢間真係好啱我口味，應該都會繼續有第4、5
剛坐低，友人見到侍應手上的通菜，立即話想食通菜，佢鍾意食辣，所以毫不猶豫就揀左泰式飛天炒通菜($98)，通菜炒得非常惹味，真係有d辣，但係蒜蓉又非常之香、通菜好靚，無渣、脆身，雖然我唔食得辣，但係都食完一箸又一箸，食到鼻水流都要繼續食🥵。不過嗜辣朋友就話完全唔覺得辣。
泰式飛天炒通菜
$98
9 views
0 likes
0 comments
除左通菜，蒜蓉包都係朋友喜愛食物之一，當然又叫左一客啦，一客4件，每件大約如手掌般大，之前已經講過，好鍾意呢度嘅蒜蓉包，真係有好多粒粒蒜蓉，唔喺一般蒜蓉醬可以食到嘅香味。
泰式蒜茸包
$48
9 views
0 likes
0 comments
主菜要左泰式濕炒牛河($98)，呢個真係炒得幾好味，多汁而唔鹹。牛肉都處理得好軟腍，河粉都算爽。特別之處係面層灑了不少胡椒粉。
飲品點左椰汁冰，好重奶味，好啱我口味。
最後嘅甜品，當然係我最愛嘅芒果糯米飯啦，每次嚟親我都一定會叫呢個，因為真係勁好食，暖笠笠嘅糯米飯，又香又軟，仲煙煙韌韌，配埋清甜嘅芒果一齊食，呢個無得輸，真係一定要叫。就算之前已經食得好飽，但一上枱就已經忍唔住，要即刻𢳂嚟食，一啖一啖完全食到停唔到口。
小曼谷原隻芒果糯米飯
$82
5 views
0 likes
0 comments
我唔算食過好多泰菜，但呢間真係好啱我口味，應該都會繼續有第4、5、6……次嘅回訪。😋
Post
