Amore di Italian Restaurant (Closed)

家人生日想食餐好的西餐，見到呢間野有咁多好評就去試下，點知又貴又唔好食。生日飯之前幾日，有位餐廳的男士打電話問要唔要訂佢地最出名的藍龍蝦，當時冇講明價錢幾多，只話視乎當日攞到隻咩龍蝦。因為家人愛龍蝦，都OK啦，於是訂左一隻藍龍蝦。到生日飯當日，我坐低冇耐去左洗手間，期間有餐廳職員拎左隻龍蝦出黎俾老人家望一望，即刻走左。到我返回座位之後，要求佢地再俾我睇下隻藍龍蝦時，職員表示已經拎左去煮。我話我未見過隻野又唔知幾多錢，咩都唔知就拎左去煮? 之後隔左成十幾分鐘，個職員先覆番我隻龍蝦約$890。到隻龍蝦上檯，我見到係一隻比手掌大少少的龍蝦，切開左兩邊，D肉得幾粒，一D都冇誇張，係幾粒!!! 肉質仲好「鞋」，令我覺得隻野一係就OVERCOOKED, 一係就唔新鮮。 如果呢樣係招牌菜，SORRY! 真係唔推介大家食。價錢貴唔食問題，唔值呢個貴價先係問題。如果俾$890可以食番值$890的水準，好多人都願意俾。但俾$890食快餐店水準都不如的食物，實在係搵笨!另一樣唔值菜式，係PARMA HAM，$180得4條幼條，質素連響超市買平價果D都不如。其餘菜式如豬柳、鵝肝及牛扒，都係平平無奇。