稻菊日本餐廳 (Closed)

去Inagiku，通常只食魚生和tempura，今次搞搞新意思，食鐵板燒。為我們處理佳餚的是一位十分年輕的師傅仔，Andy Keung。一入房己同我哋打招乎，笑容燦爛，精神奕奕，眼見其他老資格師傅正板着臉為客人處理食物，個人認為「笑容」並不代表「唔認真」，反而可為眾人增添食慾。我哋叫咗炒聖子、薄燒牛肉、炒飯。日本來的聖子和本地的不同，本地的較爽，日本的較淋，Andy炒得啱啱好，不老，味亦不過重。薄燒牛肉都唔錯，不過處理方法太普通，不見得比外間突出。炒飯係鐵板燒靈魂，十分蝦人處理，即管試一試Andy的手藝。見Andy攞了一盤仲出煙的白飯入嚟，己心知不妙。見佢好比心機炒，仲加咗啲秘製蒜調味，雖然效果末算perfect，飯唔夠乾身，味亦太淡，但亦無損心情，一樣吃得開心。