十二味 (香港仔中心4期)

Open Now

Now Closed

對於鍾意食辣嘅朋友嚟講， 十二味系列真係會令人食過返尋味。 見到分店越開越多， 就知道大家對辣嘅愛好程度有幾熱烈。入開香港仔探朋友，見到香港仔中心竟然開咗一間新嘅分店， 已經急不及待係晚市開餐。餐廳座無虛席， 好不熱鬧。十二味最招牌嘅菜式莫過於《香鍋系列》。 呢個經典香辣鍋，集齊麻、辣、香於一身。 除咗有各款香料之外， 仲加入咗蒜頭同唔同嘅辣椒乾爆炒， 非常之香口惹味。我最鍾意就係加入咗脆卜卜嘅炸黃豆， 食落香脆。另外亦都可以隨住個人的喜好選擇各款配料。 今次就選擇咗 邪惡得嚟， 同辣味相當之夾嘅午餐肉。 甜甜地， 可以中和一下辣味嘅台灣魚腐。肥美嘅， 同麻辣味相當匹配嘅美國肥牛。仲有口感q彈， 而且亦都非常入味嘅寬粉。除咗香鍋之外， 呢度嘅川色小炒亦都非常之出色。呢一度道武隆尖椒雞，香氣十足。 粒粒嘅尖椒加上青胡椒嘅香氣， 令人食慾大增。 尖椒嘅味道香但唔chok喉， 青胡椒 比起黑椒更惹味。雞粒非常之滑， 如果雞粒可以去骨嘅話，相信必定會更加好。整體嚟講， 呢一間十二味嘅水準非常之高。 獨一無二嘅辣味， 又唔會太死鹹， 食到川味嘅特色之外， 亦迎合返香港人嘅口味，讚。