Video
Read full review
2024-01-03
20 views
▫️黑糖豬軟骨飯 ($82) 4/5餐廳選用珍珠米，飯粒粒粒分明有口感，成個飯嘅份量都好多，有4至5塊豬軟骨同溫泉蛋，套餐仲跟一碗香蔥湯同三款小食(中華沙律、一粒蕨餅同三粒小紫薯)，最後都食唔曬啲飯🤣豬軟骨超級腍身，入口好似食緊炆豬肉咁。而且豬軟骨都好入味，有醬汁嘅甜味又保留都豬肉嘅鮮味。▫️花雕麻油雞湯麵 ($92) 4.5/5上次食過豆乳湯底，今次就試花雕麻油湯底。湯頭清甜帶有麻油香味，隨餐仲有一杯花雕酒，可以按個人喜好添加，自己調教湯底濃度🤓雞卷有4大舊，啖啖肉而且好嫩滑，湯麵就用咗烏龍麵，口感彈牙有咬口，冬天食一碗即刻暖笠笠🥰▫️府城蝦卷 ($32) 5/5府城蝦卷係台灣嘅傳統小吃，我同朋友都冇食過就一於叫嚟試吓！一份有4條，外面嘅腐皮皮薄酥脆，蝦肉內餡彈牙多汁，點埋沙律醬真係好惹味，個人好鍾意！▫️麻辣香滷豬耳朵 ($48) 3/5份量多到好似座山仔咁，豬耳爽脆，食落麻辣味唔岀，滿足唔同重口味嘅我😆▫️珍珠奶茶 (午市升級組合加 $14) 3/5加$14就有飲品，星期六日都有呢個優惠好抵飲！飲品用外賣杯上，可以攞走慢慢飲，珍珠份量好多但係就有啲硬，整體一般。▫️冷泡四季春茶 (午市升級組
▫️黑糖豬軟骨飯 ($82) 4/5
餐廳選用珍珠米，飯粒粒粒分明有口感，成個飯嘅份量都好多，有4至5塊豬軟骨同溫泉蛋，套餐仲跟一碗香蔥湯同三款小食(中華沙律、一粒蕨餅同三粒小紫薯)，最後都食唔曬啲飯🤣豬軟骨超級腍身，入口好似食緊炆豬肉咁。而且豬軟骨都好入味，有醬汁嘅甜味又保留都豬肉嘅鮮味。
▫️花雕麻油雞湯麵 ($92) 4.5/5
上次食過豆乳湯底，今次就試花雕麻油湯底。湯頭清甜帶有麻油香味，隨餐仲有一杯花雕酒，可以按個人喜好添加，自己調教湯底濃度🤓雞卷有4大舊，啖啖肉而且好嫩滑，湯麵就用咗烏龍麵，口感彈牙有咬口，冬天食一碗即刻暖笠笠🥰
▫️府城蝦卷 ($32) 5/5
府城蝦卷係台灣嘅傳統小吃，我同朋友都冇食過就一於叫嚟試吓！一份有4條，外面嘅腐皮皮薄酥脆，蝦肉內餡彈牙多汁，點埋沙律醬真係好惹味，個人好鍾意！
▫️麻辣香滷豬耳朵 ($48) 3/5
份量多到好似座山仔咁，豬耳爽脆，食落麻辣味唔岀，滿足唔同重口味嘅我😆
▫️珍珠奶茶 (午市升級組合加 $14) 3/5
加$14就有飲品，星期六日都有呢個優惠好抵飲！飲品用外賣杯上，可以攞走慢慢飲，珍珠份量好多但係就有啲硬，整體一般。
▫️冷泡四季春茶 (午市升級組合加 $14) 4/5
清香柔順，回甘程度清淡，食完咁多嘢解膩一流🤪
灣仔分店比中環店闊落，空間感大啲，食物質素就一樣咁好，大份夾抵食，經過嘅大家不妨試吓😙
Post
