鳴虎 (北帝街) (Closed)

港鐵通左屯馬綫真係多了地方選擇開飯，順便好好去品嚐一下當區特色美食，就去了土瓜灣一帶亨用晚餐，沿途行見都有多間食肆選擇，街邊小食以至中式酒樓都可以揾得到，今次去了呢間日式拉麵店回味一下家鄉風味，拉麵款式有幾種口味提供，當然唔少得有各種小食同追加配菜，點完餐單等一陣，已有呢款小食香脆可口嘅嗚虎炸唐掦，入口雞肉香軟啖啖肉汁，食落幾惹味，之後係主食黑鳴虎拉麵出場口味係博多黑蒜油，而且主角一定係湯汁，混合埋豚骨湯底精華，飲到濃郁蒜香湯底味道十足，至於配料一定有幾片半肥瘦炙叉燒，肉質香嫩加上油脂甘香口感飽滿，仲有隻半熟玉子，再食啖拉麵夠晒滋味，另一款鳴虎，湯底日本魚乾混埋豚骨湯，飲落鮮味十足，配料大致上一樣，追加多一隻玉子大家分享，又繼續一邊品嚐餘下美食。