Good Good (Closed)

Item: Good Good
Rating: 5
Author: hk.foodpath

137 Reviews

Taste

Decor

Service

Hygiene

Value

12597

Western District

$51-100

Western Vegetarian

103

hk.foodpath

Level4

230

又拜訪左一間久仰大名嘅cafe，喺Good Good飯下架前已經好想去，無奈西環對新界人黎講真係有啲遠，而且要食到一啲都唔容易，星期一十點要準時上官網預約，朋友遲五分鐘入去試已經揀唔到想要嘅時段，座落於第二街，開門前已有食客排隊，小店嘅以木系傢俬為主，骨子得黎幾舒適。呢度嘅定食同甜品都令人滿意，難怪會儲落一批熟客，不過用餐時間得75分鐘有少少趕。乍看佢哋嘅定食未必令人驚豔，但食完會一直記得個味道，而且相信Good Good嘅出品可以令人打破食素好沉悶嘅觀念，連無肉不歡嘅朋友都話好食。定食均配前菜(薯仔沙律)、味噌湯(飯糰除外)、漬物同水果(提子)，每份定食都好賞心悅目，食材嘅顔色配搭得宜，餐具同擺盤精緻，仿如身處日本小店。 🍽滑蛋菇菇蛋飯 Mushroom & Egg Rice Bowl Set炒蛋好滑溜，菇菇有咬口，菠菜葉同洋葱就令味道無咁單調，個汁甜甜地好送飯，證明簡單嘅食材只要用心煮都可以好食，我鍾意呢個雞髀菇、本菇同菠菜葉嘅版本多過有雞肉嘅親子丼呢！ 🍽Good Good 燒飯糰茶漬 Grilled Rice Ball in Tea Broth茶湯微暖，鹹淡拿捏得剛好，飯糰外層

Read full review

乍看佢哋嘅定食未必令人驚豔，但食完會一直記得個味道，而且相信Good Good嘅出品可以令人打破食素好沉悶嘅觀念，連無肉不歡嘅朋友都話好食。

761 views

0 likes

0 comments

定食均配前菜(薯仔沙律)、味噌湯(飯糰除外)、漬物同水果(提子)，每份定食都好賞心悅目，食材嘅顔色配搭得宜，餐具同擺盤精緻，仿如身處日本小店。

234 views

0 likes

0 comments

🍽滑蛋菇菇蛋飯 Mushroom & Egg Rice Bowl Set
炒蛋好滑溜，菇菇有咬口，菠菜葉同洋葱就令味道無咁單調，個汁甜甜地好送飯，證明簡單嘅食材只要用心煮都可以好食，我鍾意呢個雞髀菇、本菇同菠菜葉嘅版本多過有雞肉嘅親子丼呢！

🍽Good Good 燒飯糰茶漬 Grilled Rice Ball in Tea Broth
茶湯微暖，鹹淡拿捏得剛好，飯糰外層帶點焦香，飯粒浸耐左依然煙靭，配菜有菇、炸蓮藕片同玉子燒，飯糰面以紫菜同梅子點綴。

🍽五目天丼Tempura Rice Set
羽衣甘藍、南瓜、茄子同法邊豆都好新鮮清甜，炸衣厚薄剛好，夠脆又唔會好油，溏心蛋炸完後蛋白變得彈牙，加埋蛋汁撈飯好好食，最鍾意呢款。

🍽椒麻拌麵 Siuchuan Flat Noodles
湯汁嘅麻味比辣味強勁，爽脆嘅木耳同青瓜絲可增加口感，另配一隻煮得剛好嘅溏心蛋，撈埋花生同芝麻碎食更惹味，刀削麵就尚算煙靭。朋友仲加左個納豆，我試左一小啖，對佢嘅初印象又唔差喎，似黏啲味道濃烈啲嘅麵豉。

最近睇大家嘅post先知法式楓糖山核桃已下架，有幸上個星期食到最後一批。我地人多可以試匀整個dessert platter，食得出每款都係別出心裁嘅作品。

🍨法式楓糖山核桃 Maple Pecan Mont Blanc
平時Mont Blanc多數係栗子，Good Good呢款南瓜版我俾滿分。楓糖南瓜蓉裹住杏仁蛋糕及南瓜忌廉，底部則有山核桃蕎麥脆同楓糖蛋白餅，一叉到底食得出各層嘅口感同味道，有楓糖嘅味道但又無搶去南瓜嘅風頭，希望會再係menu度見到佢。

🍨紅粉菲菲 Pink Fifi Cream Cake
賣相令我諗起係歐洲食嘅糖霜蛋糕，但食落完全唔係果回事，鬆軟嘅朱古力雪芳蛋糕同70%黑朱古力忌廉層層相間，中間夾左新鮮紅桑子同啫喱，每啖都食到苦、甜同酸。

🍨啤梨野莓脆脆塔 Pear Berry Crumble Tart
塔面係金寶，啤梨煮過但仍有咬口，呢款好濃肉桂味所以我只食左一啖，無法詳細描述。

🍨咖啡凍 Coffee Jelly
啫喱偏流質軟身，咖啡糖漿甜度不高，有炭燒嘅味道，鮮忌廉令口感更順滑，簡單得黎好食。

🍨Good Good雪糕杯(抹茶麻薯蛋糕配紅豆雪糕) Good Good Ice Cream Cup (Matcha Mochi Cake with Red Bean Ice Cream)
抹茶紅豆係不敗組合，紅豆雪糕帶點豆蓉，麻薯蛋糕嘅口感頗有趣，煙韌得黎有粉粉地嘅感覺，但抹茶粉有些少草青味，剛好唔係我鍾意嘅味道。