夏捌月 (Closed)

這幾天都下雨，正好消減夏天八月嘅暑氣，就來吃一個美味牛柳晚餐吧，食肆位於朗屏西鐵站嘅夏捌月，店員禮貌地安排入座。一客味道十足嘅酥皮羅宋湯揭開序幕，酥皮嘅香酥已令人讚賞，食完没有滯感。羅宋湯酸甜適中，红蘿蔔腍甜，茄香陣陣，十分可口。主菜菲力牛柳蓋著香脆甘香嘅鵝肝和厚厚腍滑大蘑菇，外觀已很吸引。厚厚牛柳五成熟，切開已經肉汁滲出，入口非常腍滑，牛肉味香濃，點上熱暖蘑菇醬汁，更能突顯牛柳嘅色香味，令人回味無窮。配以香滑嘅樽裝朱古力飲品，令這個晚餐更完满。