Video
Read full review
2020-07-29
1789 views
禁堂食令聽日就開始啦，嚟緊又唔知要挨幾耐外賣，所以今日唔理得咁多，一於要食好啲！【佐樂】喺Times Square後面，樓上舖私密度高啲，不過識食嘅自然知道。傳統日式裝潢幾高雅，店員亦都好有禮貌，整體感覺真係好日式。餐廳有多款set lunch選擇，今日放假可以hea住食，就叫咗set【和牛極上部位壽喜燒鍋御膳】慢慢歎。【有機菜沙律】有機菜好新鮮，仲有我鍾意嘅火箭菜，不過最特別係個沙律汁，係用蘋果、甘荀、洋蔥整嘅，清新酸甜味，refreshing~前菜係【枝豆豆腐】豆腐入面有粟米粒同枝豆粒，睇個樣同馬豆糕有啲似。豆腐上面有少少wasabi，冰凍豆腐加wasabi嘅刺激感，又唔會搶咗味道，幾特別。【菜碗蒸】熱辣辣嘅茶碗蒸，蛋味濃郁蛋香十足，口感好滑好水潤，裡面仲有冬菇同鮮嫩雞肉。好好味呀～另外唔少得【小鉢】呢啲傳統食品。【和牛極上部位壽喜燒鍋御膳】壽喜燒最重要係佢嘅湯汁，試一啖，香甜濃厚～和牛都幾多片，片片都佈滿雪花，入口即溶同時散發油香～另外仲有好多新鮮蔬菜、菇菌、蒟蒻絲、大蔥等等，好正宗嘅壽喜燒。配飯可以㨂白米飯或雜穀米飯，仲係任添㗎，一啖飯加少少壽喜燒汁再連和牛一齊食，滿口香甜油香
【佐樂】喺Times Square後面，樓上舖私密度高啲，不過識食嘅自然知道。傳統日式裝潢幾高雅，店員亦都好有禮貌，整體感覺真係好日式。
餐廳有多款set lunch選擇，今日放假可以hea住食，就叫咗set【和牛極上部位壽喜燒鍋御膳】慢慢歎。
【有機菜沙律】有機菜好新鮮，仲有我鍾意嘅火箭菜，不過最特別係個沙律汁，係用蘋果、甘荀、洋蔥整嘅，清新酸甜味，refreshing~
前菜係【枝豆豆腐】豆腐入面有粟米粒同枝豆粒，睇個樣同馬豆糕有啲似。豆腐上面有少少wasabi，冰凍豆腐加wasabi嘅刺激感，又唔會搶咗味道，幾特別。
【菜碗蒸】熱辣辣嘅茶碗蒸，蛋味濃郁蛋香十足，口感好滑好水潤，裡面仲有冬菇同鮮嫩雞肉。好好味呀～另外唔少得【小鉢】呢啲傳統食品。
【和牛極上部位壽喜燒鍋御膳】壽喜燒最重要係佢嘅湯汁，試一啖，香甜濃厚～和牛都幾多片，片片都佈滿雪花，入口即溶同時散發油香～另外仲有好多新鮮蔬菜、菇菌、蒟蒻絲、大蔥等等，好正宗嘅壽喜燒。配飯可以㨂白米飯或雜穀米飯，仲係任添㗎，一啖飯加少少壽喜燒汁再連和牛一齊食，滿口香甜油香，味道上佳，超級滿足，回味無窮～
希望疫情快啲過，我要再嚟食呀！
Post
