Video
Read full review
2021-05-31
947 views
一直都好想試呢間大名鼎鼎嘅米芝蓮3星餐廳❤️
今次同朋友提前3個月bk定，終於bk到佢地weekend嘅lunch time. 由於佢嘅名氣咁大，係未食之前我地嘅期望值已經係天花板🤣希望唔會失望而回。一去到餐廳已經感受到酒店級嘅享受，當日我地攞住一袋野，侍應好細心咁問需唔需要幫我地keep起先，非常貼心❤️ 餐廳嘅裝修以紅黑為主調，感覺非常摩登；廚房係開放式嘅，大部份客人都係坐係近住廚房嘅bar枱，方便客人同廚師接觸。我地當日食嘅weekend lunch set menu係$590有3個courses, 分別係appetizer, main course 同dessert. 當中一啲signature 嘅菜式要另外再加錢，對比起佢本來正餐牌已經係非常抵食！係未食野前侍應已經為我地準備左一大籃麵包籃，每款麵包都岩岩烘起，非常新鮮😋食唔晒亦唔洗擔心，餐廳會好細心咁幫你自動pack起比你攞番屋企，相當貼心。✨Welcome Appetizer 餐廳為我地準備左呢款凍湯作為Welcome appetizer, 係menu上係冇提及嘅，所以都幾驚喜❤️✨Le Caviar Imperial (+$
一去到餐廳已經感受到酒店級嘅享受，當日我地攞住一袋野，侍應好細心咁問需唔需要幫我地keep起先，非常貼心❤️ 餐廳嘅裝修以紅黑為主調，感覺非常摩登；廚房係開放式嘅，大部份客人都係坐係近住廚房嘅bar枱，方便客人同廚師接觸。
我地當日食嘅weekend lunch set menu係$590有3個courses, 分別係appetizer, main course 同dessert. 當中一啲signature 嘅菜式要另外再加錢，對比起佢本來正餐牌已經係非常抵食！
係未食野前侍應已經為我地準備左一大籃麵包籃，每款麵包都岩岩烘起，非常新鮮😋食唔晒亦唔洗擔心，餐廳會好細心咁幫你自動pack起比你攞番屋企，相當貼心。
✨Welcome Appetizer
餐廳為我地準備左呢款凍湯作為Welcome appetizer, 係menu上係冇提及嘅，所以都幾驚喜❤️
✨Le Caviar Imperial (+$280)
呢個魚子醬盒係餐廳嘅signature, 即使加$280都要試下😋魚子醬盒成個presentation 就好似一牌獎狀咁，將盒子鑲咗係獎狀中間， 約手心般大小；魚子醬盒由上至下分別係魚子醬、龍蝦啫喱同阿拉斯加蟹肉三個layers, 由面潷至底咁食，三種唔同嘅鮮味係口腔爆開，味道相當有層次感。Balance方面，個人覺得魚子醬嘅咸香略為有少少搶左另外兩個layers嘅鮮味，由於我對呢道菜嘅期望值太高，呢點令我稍為有啲失望。
✨L'hamachi
呢款油甘魚牛油果他他係侍應向我地推薦嘅，同樣係presentation 已經非常吸引 —— 長條形嘅他他上面加咗紅菜頭同橄欖，旁邊有唔同顏色嘅醬汁作點綴，成個感覺非常清新。調味方面亦做得唔錯，油甘魚微微帶酸，味道開胃。
✨Les Spaghettis (+$150)
龍蝦意粉同樣係餐廳嘅signature, 都係要top up再加錢。係遠處已經聞到意粉嘅龍蝦香，令人食指大動😋意粉上鋪滿左龍蝦肉，金黃色嘅醬汁發至起泡，望落非常吸引。麵條方面用左較為幼身嘅spaghetti, 可能因為咁食落掛汁度唔算高，味道略為淡左啲。對比去意粉，佢嘅龍蝦肉真係整得非常出色，食落非常鮮嫩，火喉控制得岩岩好。
✨Le Porc Iberique
非常令人驚喜嘅黑毛豬❤️第一次知道原來黑毛豬都可以medium rare咁食，食落口感似食緊非常高級嘅牛扒，口感嫩滑juicy 😋餐廳特製嘅薯蓉亦非常出色，食落超級creamy, 牛油香突出，大力推薦！
✨Les Fruits Exotiques
餐廳嘅甜品無論賣相定味道都非常驚喜，呢款Les Fruits Exotiques外層係鮮黃色嘅朱古力，入面則包裹住芒果醬，味道唔會太甜，果香突出，非常解膩。
✨Le Chocolat
玻璃碗內放滿左榛子醬、朱古力餅粹同焦糖化左嘅花生😋成個味道甜膩得黎又非常有層次，岩晒鍾意食朱古力嘅我❤️
整體黎講，睇得出餐廳係服務同食物質素方面都好有追求，成個用餐體驗都非常出色，非常推薦。
Post
