潮滙館 (Closed)

一大班人嘅吹水飯局最好就係去可以坐耐啲嘅地方，所以有朋友就提議去呢間位於長沙灣嘅「潮滙館」食潮州打冷。呢度嘅食物都好多選擇，因為有小朋友嘅關係所以叫咗個滷水蛋做前菜🤣滷水三寶一碟裏面有齊滷水鵝片、鵝腸同埋鵝肝，重點講下個鵝肝，第一次食滷水嘅潮州鵝肝，質地好柔軟而且滷得好入味，真係超級好味！普寧炸豆腐呢個真係好有驚喜！首先豆腐表皮炸得非常之香脆，然後內裡仲保持到豆腐既鮮嫩水潤，仲有少少准鹽吊味，送酒一流！👍🏻碧綠川椒雞呢個雞件肉質好滑好惹味，但係就唔覺得辣，旁邊嘅香葉炸到好似紫菜咁脆卜卜，幾得意！酥炸鱔片鱔片肉質彈牙，炸至乾身但係沒有油膩感覺！蠔仔洛呢個略嫌水份太多，蠔肉比較細粒，口感太多粉同濕，有點失色！豉油王鵝腸火候十足亦非常惹味，加上大量芽菜配襯，有減輕油膩嘅感覺。砂窩蝦粥上枱嘅時候仲係非常滾，粥底綿滑鮮甜，蝦都大隻但有幾隻啲肉唔夠爽。糖醋雙面王其實呢個我真係第一次食，因為話說我一向都好怕食醋，但係呢個可以配埋砂糖一齊食，脆卜卜又甜甜地，小朋友好鐘意💕瑤柱蛋白炒飯平穩之作，間間單單啱晒小朋友食！而家一路打食評一路都念念不忘個滷水鵝肝😍希望下次可以再同朋友去encore啦！