L'Eclipse (Closed)

朋友話呢間餐廳好多人食過讚好, 於是一試. 冷盤方面都唔錯, 龍蝦幾鮮甜而且多膏. 刺身得三款選擇, 不過好彩夠新鮮. 生蠔只得兩款選擇, 但係燒生蠔就可以自已揀唔同汁料叫師傅即場燒. 其實熱盤無咩點食過, 因為嚟嚟去去都係差唔多款式, 提唔起我既興趣. 頭盤方面有四款選攞, 我揀咗鮑魚同虎蝦, 味道唔錯. 另外每人可以order一客梳乎厘. 值得推介係鵝肝, 好好味, 一定要試. 甜品方面雖然選擇唔多, 但係啲朱古力甜品好正, 喜好朱古力人仕啱晒(顧客仲可以喺櫃台另外購買朱古力回家享用). 另外我最鍾意食既士多啤梨又甜又多汁, 令我食唔停口. 個人認為食物質素值回票價, 值得一試.