巴辣仔烤魚

Open Now

Now Closed

今日同男朋友諗緊收工食咩嗰陣時咁啱經過呢度，見到佢咁sharp 嘅logo同埋幾多食客響入面，應該幾好味~ 反正都諗唔到食咩，一於試吓呢間新餐廳一入到去就見到佢有一款係有普通檸檬同香水檸檬鋪滿條魚，鍾意酸辣嘅我二話不說就揀咗呢款口味~魚種方面男友就指定話要龍躉因為肉多~ 條魚一上枱我哋都覺得好期待，因為好大條果然食落真係啖啖肉，好新鮮好正調味都係我好鍾意嘅清香檸檬加少少辣味，烤魚個湯之後用嚟打邊爐索晒啲精華真係冇得頂除咗烤魚之外，我哋都有叫啲串燒，其中羊肉同魷魚鬚我覺得係必食~ 羊肉完全冇’so’味，肥瘦適中燒得好香魷魚鬚都唔會靭，燒到恰到好處男友唔覺唔覺食咗兩大碗白飯好滿足嘅一餐仲有好正嘅地方係，舖頭自家製嘅菊花杞子茶同埋冰粉都係任飲任食啲茶無糖所以健康又解渴，冰粉都好解辣，搞到我都食咗三碗先停口我哋兩個人結果都抱住個肚離開餐廳，期待下次嚟試吓其他口味嘅烤魚