Video
Read full review
2018-08-25
245 views
工作太忙無時間去旅行，很想念日本當地的壽司。今日我決定食豪少少，去米芝蓮推介的翔太壽司，當慰勞下自己。一入九號水產的正門右邊就見到翔太壽司，裝潢完全係日本風格, 環境十分高雅。可能因為黃埔唔係商業區，晚市唔太熱鬧，所以我坐得非常舒服。隔離仲坐左一枱日本客，可想而知呢間食店的質素一定唔差。 店內平均一兩枱客由一位壽司師傅服務，師傅會觀察客人的進食節奏安排下一道菜。晚市套餐的價錢比午餐貴一倍，不過有更多選擇。晚市除左有套餐和廚師發辦外，仲可以散叫。我叫左廚師發辦較平的”櫻” (HK$780未加一)，比較貴的”葵”平HK$200，分別在於無得食刺身。我叫完餐無耐就有三款前菜，樣樣都好精緻好開胃，大大增加食慾。蕃茄:我相信係日本蕃茄，好甜。水雲漬:即係新鮮發菜，撈左D青瓜絲同醋，味道清新。白身魚南蠻漬: 白身魚炸左，肉質結實，個汁都係酸酸微微。主菜黎喇，第一件係魴鮄壽司。魴鮄壽司: 食得出魚肉新鮮有彈性，日本米果然好食，粒粒分明。壽司師傅已經加左WASABI同掃左一層豉油，根本唔使再點豉油。金目鯛壽司: 魚肉係櫻花粉紅色，肉質細緻肥美，好食。平政魚壽司: 與油甘魚係同一科，所以味道有D似，肉質
一入九號水產的正門右邊就見到翔太壽司，裝潢完全係日本風格, 環境十分高雅。可能因為黃埔唔係商業區，晚市唔太熱鬧，所以我坐得非常舒服。隔離仲坐左一枱日本客，可想而知呢間食店的質素一定唔差。
店內平均一兩枱客由一位壽司師傅服務，師傅會觀察客人的進食節奏安排下一道菜。
晚市套餐的價錢比午餐貴一倍，不過有更多選擇。晚市除左有套餐和廚師發辦外，仲可以散叫。我叫左廚師發辦較平的”櫻” (HK$780未加一)，比較貴的”葵”平HK$200，分別在於無得食刺身。
我叫完餐無耐就有三款前菜，樣樣都好精緻好開胃，大大增加食慾。
蕃茄:我相信係日本蕃茄，好甜。
水雲漬:即係新鮮發菜，撈左D青瓜絲同醋，味道清新。
白身魚南蠻漬: 白身魚炸左，肉質結實，個汁都係酸酸微微。
主菜黎喇，第一件係魴鮄壽司。
魴鮄壽司: 食得出魚肉新鮮有彈性，日本米果然好食，粒粒分明。壽司師傅已經加左WASABI同掃左一層豉油，根本唔使再點豉油。
金目鯛壽司: 魚肉係櫻花粉紅色，肉質細緻肥美，好食。
平政魚壽司: 與油甘魚係同一科，所以味道有D似，肉質好彈牙爽口。
牡丹蝦壽司: 非常新鮮，同日本當地有得比。
石垣貝壽司: 上枱的時候俾佢吓親，佢仲識得郁，證明係岩岩劏的。我未食過咁彈牙軟滑的貝類壽司，D肉好厚，帶點清甜，真係驚為天人。
赤貝壽司:原來赤貝可以咁大件，外表係燈紅色，色澤亮麗，口感爽脆，帶海水的鮮甜味。
海膽卷:海膽同飯的份量係2:1，海膽多到跌出黎。一睇個色就知新鮮，味道好濃郁，完全唔腥，很滿足。
深海池魚壽司: 肉質爽同滑肥美，油脂好甘香!
三文魚子卷: 又係超多三文魚子，粒粒晶瑩剔透，皮脆多汁，咬落去魚子秒爆果下好爽。不過一定要同飯一齊食，因為醃過有咸味。
吞拿魚腩壽司: 唔使多講，睇相都知有幾肥美，入口即融，肉質軟綿綿，好食到暈。後尾睇番原來散叫要HK$120一件，個SET真係好抵。
吞拿魚腩蓉手卷: 好多魚蓉，裏面加左葱花同芝麻，夾埋好香。
麵豉煮牛脷:今晚的第一道熱食。我未食過咁腍的牛脷，旁邊的秀珍菇和蘿蔔都非常入味，味道恰到好處，太好食了!
麵豉湯: 好暖胃。
蜜瓜白粟米: 兩樣的甜度有15度以上，以呢一個甜品作結真係太完美!
呢個SET一共有十件壽司、兩個熱食同一道甜品，份量好够，樣樣都超水準。值得一讚係侍應的服務好慇勤，忙住添茶換碟，耐心解答客人問題。另外，佢地對茶都好細緻，食壽司配烘茶，食甜品就換綠茶。呢個價錢真係值得一試!
Post
