金泰園 (Closed)

今日朋友請我食飯，黎到青衣，佢帶咗我去食泰國菜，佢話呢間泰國菜味道唔錯，於是帶咗我嚟試一試,坐落於商場，適逢食飯時間，都九成滿左，好彩仲有一張枱留返俾我哋。泰式無骨鳳爪沙律，頭盤，就梗係要開開胃胃啦，呢個沙律酸酸甜甜又辣辣地，最緊要嘅係夠晒冰凍，而且鳳爪又冇晒骨，入口爽口又彈牙，真係果然夠晒開胃。泰式生蝦，蝦肉晶瑩剔透，而且夠晒新鮮，入口甘甜爽口，配上特有嘅泰式醬汁，果然夠晒風味。冬陰公湯，叫咗個細嘅，足足可以有四人嘅份量，食泰國菜又點可以冇冬陰公呢一個主角啊，上枱冬陰公熱辣辣，而且香料較多，裏面仲有四隻大蝦，蝦肉夠晒新鮮，而且蝦膏融入係個湯，令呢道菜生色不少。泰式海南雞，雞肉鮮嫩，雞皮金黃色，完全食唔出有雪藏味，雞皮入口爽脆彈牙，雞肉鮮嫩無比，最緊要嘅係已經去晒骨，啖啖肉，點上特有嘅醬料，入口滋味無窮。芒果糯米飯，分量夠晒大碟，芒果飯上枱仲好熱，入口煙煙銀銀，好有口感，椰汁夠晒充足，入口香滑，配上鮮甜嘅芒果，每一啖，都充滿泰式嘅風味。