Video
Read full review
2015-06-17
2364 views
當日老公0既二家姐生日 ，老公突然想試下私房菜 ，於是就上網SEARCH。喺觀塘區有幾間私房菜，三姐喺頭三位之一 。雖然食評唔多，但係全部都係OK以上0既好評。因此我哋決定BOOK 依間。餐廳可以用TABLEMAP 訂位，真係十分方便 。 BOOK左冇耐，店員就即刻打俾我，叫我CONFIRM 菜單。我哋從來都未食過私房菜，唔知道所有嘢都要預先決定好，而唔係去到先叫食物。好彩餐廳已經SET 好左一啲MENU，我哋只係揀餐就可以。今次我哋訂左金色餐牌$288/位 六人份量0既餐。另外，我哋仲加左$198 要蝦兵蟹將(6隻鮑魚,6隻蝦,1 隻蟹)。餐廳喺官觀工業中心，非常近地鐵站，好易搵! 一入去，我哋差唔多齊人，就叫佢哋上菜，好快就有得食。因為之前已經揀好菜單，唔洗去到要左諗右諗，好方便!先黎前菜同沙律。前菜係拍青瓜同菇，味道正常。但個沙律好味!我奶奶都話OK。跟住就上<<蝦兵蟹將>>，大大盤好有睇頭之餘 ，啲海鮮仲好正好鮮甜。鮑魚比想像中大，係醉鮑魚來的。第一次食，幾好味! 跟住先黎個流心蛋伴厚切茄子，個汁好味 ，同茄子好夾! 我唔太好
喺觀塘區有幾間私房菜，三姐喺頭三位之一 。雖然食評唔多，但係全部都係OK以上0既好評。
因此我哋決定BOOK 依間。餐廳可以用TABLEMAP 訂位，真係十分方便 。 BOOK左冇耐，店員就即刻打俾我，叫我CONFIRM 菜單。
我哋從來都未食過私房菜，唔知道所有嘢都要預先決定好，而唔係去到先叫食物。好彩餐廳已經SET 好左一啲MENU，我哋只係揀餐就可以。今次我哋訂左金色餐牌$288/位 六人份量0既餐。另外，我哋仲加左$198 要蝦兵蟹將(6隻鮑魚,6隻蝦,1 隻蟹)。
餐廳喺官觀工業中心，非常近地鐵站，好易搵!
一入去，我哋差唔多齊人，就叫佢哋上菜，好快就有得食。因為之前已經揀好菜單，唔洗去到要左諗右諗，好方便!先黎前菜同沙律。前菜係拍青瓜同菇，味道正常。但個沙律好味!我奶奶都話OK。
跟住就上<<蝦兵蟹將>>，大大盤好有睇頭之餘 ，啲海鮮仲好正好鮮甜。鮑魚比想像中大，係醉鮑魚來的。第一次食，幾好味!
跟住先黎個流心蛋伴厚切茄子，個汁好味 ，同茄子好夾! 我唔太好流心蛋，但依個整得唔錯!
之後就上焞湯，我揀左螺頭湯，一人一盅，而且盅盅都好足料。讚! 接住就係翡翠伴明珠，我覺得依個菜式有啲FUSION，我見人地POST啲相，我以為係啫哩狀0既野，食落原來唔係。佢底嗰層係蛋白，綠色係啲湯汁，仲有一隻大過五蚊銀0既帶子。依個好好味，帶子好鮮甜，蛋白同個汁又好夾。依個都係推介之一!
未食完，店員已經上左鴛鴦蝦，一綠一橙，綠色係芥本醬，橙色係沙律醬，味道不錯!
跟住就係海斑喇，海斑好大條 ，比起出面酒樓嗰啲大好多，而且肯定過千銀! 但佢依個餐收每位$288咋，仲啖啖肉添，真係好抵食!!
主菜係蟹 ，好多人都點香辣嗰種，店主就推介胡椒依種。依個又係好好味，第一次食依種煮法0既蟹，胡椒又香，少少辣，好惹味!屋企人都好鐘意!
鐵板雜菇熱辣辣咁上，好味! 送飯一流!
雞方面，我哋揀左茶薰雞，因為未試過嘛!可能我唔太識食，我個人就覺得一般 ，我老公就話幾好喎。
個餐有碟有機菜，味道正常，但好似有啲唔係好熟透。
蛋白炒飯好得!粒粒分明!又大碟，味道好好!
最後係個甜品，有炸蕃薯芋頭丸 同雪糕球!我最LIKE 係炸蕃薯芋頭丸我自己食左三粒，依個真係超好味，熱辣辣好鬼正!! 至於雪糕球呢，我覺得一般，屬正常級別 。整體而言，餐店水準好好!食物同服務都好好! 我哋一家人都食得好開心! 一定會ENCORE!
Other Info. :
佢哋有做PROMOTION,有九折COUPON，埋單唔洗$2000! 好抵食!
記得帶CASH，因為只收現金咋~
(The above review is the personal opinion of a user which does not represent OpenRice's point of view.)
Post
