四爺車仔麵專門店 (Closed)

講到香港美食，車仔麵都算係經典既香港代表😎🤤平時食既車仔麵都好似好頹咁，但今日試依間竟然無依個感覺-湯底有幾款：豬骨湯、芫荽皮蛋湯、麻辣湯、牛骨湯；而麵類有幼麵、粗麵、烏冬、菠菜麵、油麵、米粉、米線... 基本選擇都齊！我今晚試左豬骨湯粗麵，湯底濃郁清甜而朋友試左芫荽皮蛋湯，話唔係到到試到啵！岩哂鐘意食清清地又健康既你，邊個話車仔麵一定又膩又肥架！haha-車仔麵餸都勁多選擇，好多款四爺招牌，好想試招牌豬腩仔同豬大腸，但當晚已經賣晒😭😭我同朋友點左南乳豬手、瑞士鹵豆腐、咖哩魚蛋同埋柱候牛肚！最欣賞四爺係將車仔麵既餸同麵分開上，每個餸都一個兜仔，唔會啲汁溝埋哂👍🏻👍🏻南乳豬手正丫！蚊得好淋，食落啖啖骨膠原漿住口，南乳味再重d就完美😎柱侯牛肚都係推介！！又係勁淋！一咬就融化，非常入味，車仔餸黎講都算高質瑞士鹵豆腐，先係炸過，外脆內軟，瑞士味重，惹味之選最係係咖哩魚蛋，個咖哩汁做得好四爺車仔麵除左麵，仲有燉湯架👍🏻🤤🤤勁滿足呀！點左北海道牛乳杏汁燉花膠扒，飲落牛奶味勁香😍😍😍口感滑溜溜，好好飲！裡面仲有2-3 塊花膠同紅棗！好滋補有啖湯飲下係唔同啲，好飽🤩套餐仲有飲品！即磨豆漿！