Video
Read full review
2018-08-10
597 views
某日假日嚟樂富行吓百貨公司，已經睇中Seafood Stand，見門口好多人等位，就放棄左。今日專登平日嚟食，等左兩三分鐘就有位，good！食野先：焗酥皮鮮蠔湯酥皮帶有牛油味，面層鬆脆，底層就爭少少。蠔湯入面唔見蠔肉，有少少失望。入口有驚喜，估唔到香滑、蠔味濃又鮮甜，超好飲喎。芝士焗龍蝦一隻$198唔算貴啦，一上枱就已經聞到好香，仲滿滿芝士，隔嚟枱都不禁偷偷看 偷偷望～ 蟹鉗都夠大隻：芝士半溶 ，趁熱即刻食。雖然都知唔係游水龍蝦，但撩起啲龍蝦肉，雪白鮮甜又彈牙，啖啖肉，又帶啲膏，好回味！美國安格斯牛扒好大塊，食得出質素唔錯，冇根位又juicy，牛肉味唔錯。配左粗薯條，即炸夠脆。比利時窩夫配雪糕窩夫冇脆脆口感，反而係有啲煙韌，粉團質感，除左甜味就冇乜味，唔好食。好彩雪糕球夠大球。椰林飄香一般我都會飲Cocktail嘅Pina Colada，因為好味又易入口，好啱女仔飲。今晚就揀左Virgin Colada，菠蘿汁加椰汁，好啱夏天飲。巨峰提子梳打靚！呢隻紫色好靚，朋友話味道唔錯，唔會太甜。餐廳收十點，我地掛住傾計攪到最遲走，店員都好好態度say goodbye。啲人走晒先睇清楚原來牆上有幾
食野先：
焗酥皮鮮蠔湯
酥皮帶有牛油味，面層鬆脆，底層就爭少少。
蠔湯入面唔見蠔肉，有少少失望。入口有驚喜，估唔到香滑、蠔味濃又鮮甜，超好飲喎。
芝士焗龍蝦
一隻$198唔算貴啦，一上枱就已經聞到好香，仲滿滿芝士，隔嚟枱都不禁偷偷看 偷偷望～
蟹鉗都夠大隻：
芝士半溶 ，趁熱即刻食。雖然都知唔係游水龍蝦，但撩起啲龍蝦肉，雪白鮮甜又彈牙，啖啖肉，又帶啲膏，好回味！
美國安格斯牛扒
好大塊，食得出質素唔錯，冇根位又juicy，牛肉味唔錯。
配左粗薯條，即炸夠脆。
比利時窩夫配雪糕
窩夫冇脆脆口感，反而係有啲煙韌，粉團質感，除左甜味就冇乜味，唔好食。好彩雪糕球夠大球。
椰林飄香
一般我都會飲Cocktail嘅Pina Colada，因為好味又易入口，好啱女仔飲。今晚就揀左Virgin Colada，菠蘿汁加椰汁，好啱夏天飲。
巨峰提子梳打
靚！呢隻紫色好靚，朋友話味道唔錯，唔會太甜。
餐廳收十點，我地掛住傾計攪到最遲走，店員都好好態度say goodbye。啲人走晒先睇清楚原來牆上有幾幅畫，人手畫上去，顯得幾好氣氛。
下次經過會試下啲burger ，隔嚟枱啲burger好吸引。
Post
