一門 (Closed)

想試呢間餐廳嘅原因係因為見到佢餐牌有賣燒活鰻，午餐12點黎到，餐廳問我地有無book枱，我地無，只係純粹經過記得有鰻魚串食，所以過黎試試。餐廳話1點鐘要交枱，ok無問題，但覺得全部枱做訂座客，唔留少量位做walk in客好似唔係咁好，不過是但啦，食完今次都應該無下次btw佢上菜都快嘅，串燒即點即燒慢少少姐～要左一個lunch set A 牛肉豆腐鍋，配飯、麵鼓湯、小食x1，呢個鍋味道唔錯嘅，豆腐好嫩滑，牛肉中規中矩，但上枱估唔到係咁細鍋，$9x有點不值。串燒完全失望，點了一串燒活鰻$58和一串鹽燒三文魚$28。三文魚只能用乾硬來形容，本身已經唔係用靚位黎燒，仲要燒到乾爭爭，三文魚味都無埋。。。活鰻賣相OK，但毫無鮮鰻味，食過咁多鰻魚串，就算無標榜自己係活鰻嘅都好食過佢！肉薄都算，無鰻魚味先大獲，好彩個皮仲有微脆鰻魚控對佢已經大失所望，應該唔會再黎。