Pancake 專門紗織 (Closed)

擁有甜品胃既我，今次係單拖過嚟預備好一個人食兩個甜品，我自己個人係非常鍾意食pancake，香港認為好味嘅pancake🥞店數手指都係幾間，今次介紹呢間都係我大愛嘅。個人比較有私心，香蕉🍌同朱古力🍫我認為都係好夾嘅，所以我就叫咗呢兩個pancake。焦糖香蕉🍌班戟$118，平時嘅pancake店係會將雪糕同pancake分開放，今次呢一個，我望住佢嘅雪糕🍨一路流落去個pancake度，就已經流晒口水，佢嘅焦糖香蕉🍌真係好好味加埋個雪糕冇得彈。濃厚朱古力🍫班戟 $118 ，Pancake上邊放滿左忌廉同埋大大雲呢拿雪糕球🍧，先食一啖雪糕，再食一啖濃厚嘅朱古力🍫班戟，佢係好濃嘅朱古力🍫味，但係唔係苦嗰種，呢個食落真係好飽，旁邊仲有幾片香蕉🍌 ，真係Super match，今日大滿足。