Video
Read full review
2022-08-14
7033 views
與這店舖交易，意外地得到一個前所未有的難受經驗！想幫襯的朋友建議睇睇以下我的100%真實經歷的內容之後再決定！經介紹得知這間店舖，發現這店舖只有一個WhatsApp聯絡方法，於是WhatsApp詢問有關到貨日期，店舖只是send咗產品連結給我，於是放下未有理會。到第二日店舖主動聯絡我，話如果有咩需要可以同佢講，佢團隊會盡量安排，我見佢咁有誠意，於是就認真睇清楚產品然後通知付款。喺俾錢之前我問清楚是否有單據可以攞，由於我公司可以用單據來claim錢，所以在付款前問清楚。然後佢好快回覆我：「👌✔️可以的，稍后出pdf e-receipt給你，可自行列卬✔️🙏」，於是我就正式付款。但付款後見未有收據，於是再追問，點知佢話要送貨後一星期先正可以有收據，我就十分不解，因為我係提早在收貨前一星期付款，冇諗過佢所講嘅「稍後」，竟然係要收貨之後再一星期先有單，即係要兩星期後先俾到單據！於是我再追問單據嘅問題，店舖再回覆：「温提: 團隊並非24小時即時客服, 不在期間都在準備明天的訂單, 包括預算所需食材, 訂購材料, 安排團隊製作流程, 安排車隊物流送貨, 務求可無誤地將每天數十訂單準時送到客人手上.⋯⋯
與這店舖交易，意外地得到一個前所未有的難受經驗！想幫襯的朋友建議睇睇以下我的100%真實經歷的內容之後再決定！
經介紹得知這間店舖，發現這店舖只有一個WhatsApp聯絡方法，於是WhatsApp詢問有關到貨日期，店舖只是send咗產品連結給我，於是放下未有理會。
到第二日店舖主動聯絡我，話如果有咩需要可以同佢講，佢團隊會盡量安排，我見佢咁有誠意，於是就認真睇清楚產品然後通知付款。
喺俾錢之前我問清楚是否有單據可以攞，由於我公司可以用單據來claim錢，所以在付款前問清楚。然後佢好快回覆我：「👌✔️可以的，稍后出pdf e-receipt給你，可自行列卬✔️🙏」，於是我就正式付款。
但付款後見未有收據，於是再追問，點知佢話要送貨後一星期先正可以有收據，我就十分不解，因為我係提早在收貨前一星期付款，冇諗過佢所講嘅「稍後」，竟然係要收貨之後再一星期先有單，即係要兩星期後先俾到單據！
於是我再追問單據嘅問題，店舖再回覆：「
温提: 團隊並非24小時即時客服, 不在期間都在準備明天的訂單, 包括預算所需食材, 訂購材料, 安排團隊製作流程, 安排車隊物流送貨, 務求可無誤地將每天數十訂單準時送到客人手上.⋯⋯⋯⋯」
當時已感到懊惱，因為佢咁樣即係我冇得用單據來向公司claim錢（因為兩星期後已離職），於是嘗試用佢嘅自動回覆當收據，但我check清楚我電郵冇收到佢嘅自動回覆，於是再追問，佢就回覆：
「就閣下的查詢, 團隊已多次回應, 惟閣下仍基於自身不信任而拒絕配合, 並作出無根據的不合理推斷° 閣下的不合作行為已對團隊運作造成騷擾, 倘若閣下再進一步意圖構成混亂，為免團隊因閣下的持續非緊急查詢而導致其他客人訂單出錯, 團隊將保留紀錄並封鎖閣下帳號，另亦會就閣下作出的騷擾可能導致運作上的損失保留法律追究責任。
本司剛已充份諮詢法律團隊的意見︰根據香港法例，當中並無針對賣家（收據/確認書安排）的相關規定或限制，賣家在銷售時亦無法律責任需要主動就（收據/確認書安排）的安排作出任何事先的陳述或承諾。另外，由於閣下只在下單前沒有提出有關（收據/確認書發出必需馬上發出）的查詢及要求，而本司在銷售時亦沒有就相關查詢或要求（收據/確認書發出必需馬上發出）作出承諾。
同時，本司已向閣下充份提示若干合理折衷方案 (包括: 提點客人提供長查詢電郵及出貨後發收據)，此等方案本司法律團隊意見認為已是充份合理，且乃本司其他一般合理人客都能接受的合理做法，如不能接受者，乃個別人客的自身問題，如何進而安排，將純粹取決於本司的酌情考慮。
本司法律團隊最后提醒：倘若閣下仍然選擇拒絕配合有關安排，當中所構成的損失將由閣下自負，本司概不負責。倘若閣下在無法律根據下對本司作出失實指控，本司將指示法律團隊，就閣下的不合作行為而可能對團隊運作及聲譽造成的一切影響保留法律追究權利。」
基本上佢已經準備一大堆罐頭messages，在收錢前就非常快回覆，服務殷勤，有問必答，所有messages都有「👌✔️🙏」；但當確認收到錢之後，你追問嘅message就懶理，遇到客戶問題就拋出大堆罐頭messages嚟鬧你！恐嚇你！
我只係追問佢單據事宜，佢竟然話我滋擾佢，又話要追究咩法律責任，及後仲立即block咗我！由於依間公司只係得WhatsApp聯絡，不會接電話，所以除非我親身去赤柱上門，否則完全失去聯絡，就算打8號風球收貨有問題，想提前或然後收貨，又或大廈突然被圍封等等突發事宜，全都無法聯絡該店舖，咁樣嘅服務態度我真係第一次遇到，簡直係嘆為觀止，大開眼界！
Post