搞餃鎮

Open Now

Now Closed

之前食過幾次外賣，覺得幾好食，今次第一次堂食，令人覺得好失望，之後都唔會再嚟。今日差唔多4點嚟到，餐廳得1/3滿，唔係好多人。點咗一份煎餃同一份湯餃，等咗10分鐘左右煎餃到咗，我見店員都做緊嘢，出咗去諗住自己攞醋，店員見到就叫我坐返低，佢會攞畀我，咁我就坐返埋位。食咗一啖煎餃，發現裡面啲豬肉咬唔開，一望發現仲係粉紅色未熟……同店員講完佢收返碟餃，叫我再等等。之後等多20分鐘都未有餃子同醋到（等咗半個鐘），隔離枱遲過我到都已經食緊，問返店員先知漏單……等多10分鐘左右終於啲煎餃同湯都到（但係都係冇醋，要再問店員先有），但係啲煎餃煎到燶咗、湯餃就煮得太耐個皮爆咗入晒湯。總括而言，今次係一次令人好失望嘅體驗。