老虎堂黑糖專売 (Closed)

同朋友去APM行街，行行吓覺得口喝，咁見到新開咗間老虎堂，又唔算太多人排隊，就諗住試吓啦！咁我梗係諗住飲佢出名嘅波霸厚鮮奶啦，我同朋友一人叫咗一杯！買完之後要等15分鐘左右就有得攞啦，比想像中要等嘅時間快咗！咁攞嘢飲嗰度有個牌教你飲果時要上下均勻搖晃15下，我緊係照住嚟做啦！飲咗第一啖後，真係覺得好失望！第一個感覺就係太甜，再飲多啖試清楚，發覺完全無奶香，其實我之前試過4至5間左右嘅同類型飲品，呢杯係令我最失望嘅！杯波霸厚鮮奶，入面嘅黑糖得個甜字，完全無黑糖嘅香，奶又無奶香，而且d珍珠太過稔！