亞泰

Open Now

Now Closed

一向鍾意食泰國嘢，行完山後攰攰地，決定去亞泰買個外賣返屋企慢慢食，誰不知一個外賣等咗差不多40分鐘，每次問門口侍應，都話製作中，就尼完成，想取消張單都唔得。睇住堂食顧客，一個個入座，有啲仲已經食完，我地拖着疲倦嘅身體企門口等，早知堂食算了。叫咗一個咖喱牛肉，飯另加，一個鮮蝦泰式炒金邊粉，諗住總算食到晚餐啦，但食物令人很失望。咖喱牛肉一大盒，入邊大部分都係薯仔，牛肉有超過一半都係肥肉，剩低嘅一少半，好似煲完湯嘅湯渣咁「鞋」，個飯都係靠撈咖喱汁食完。至於泰式炒金邊粉，d蝦好細隻，冇乜料，而且仲炒得好濕，個底有好多汁，一d都唔乾身。真係好失望，唔會再光顧了。