香港飯堂

Open Now

Now Closed

今日突然想食蝦多士，所以走入呢間餐廳食個下午茶，不過個茶餐嘅味道真係好令人失望。下午茶——飯堂炸趣脆免治牛肉芝心春卷呢個餐包左幾樣小食嘅，首先係右上角個春卷。入面餡料好少，完全食唔到啲牛肉同芝士，層春卷皮就好淋好淋，直頭有啲似濕水紙皮，真係好失望。蝦多士蝦多士細細塊，但係炸得唔算脆口，食落有陣味咁，唔係特別好食。炸薯條份量相對多啲嘅薯條算係全個拼盤入面最好食、最脆口嘅小食，係偏硬嗰種脆，都唔錯。另外仲叫左杯茶走，都係偏甜咁，不過不失。不過整體黎講唔會再叫呢個下午茶餐，對於啲小食真係好失望。