HABITŪ table (太古城中心) (Closed)

第一次寫食評，特登開個ac記錄吓令人失望嘅一餐。其實我未食過Egg Benedict，突然想試吓。上網睇食譜發現個荷蘭醬需要啲技巧，我對自己廚藝又無咩信心，就決定出去食，點知就中伏。個Egg Benedict上面嘅醬好稀，顏色好深，我喺網上睇過好多食譜，都無見過咁樣嘅荷蘭醬，味道亦唔太好。兩舊三文魚同旁邊啲沙律就正正常常。另外上菜速度慢，就快餓死都未有得食，店員服務麻麻，企咗喺門口好耐都無人帶位，坐低咗問佢拎杯水又唔記得俾。