養心殿台式養生鍋 (Closed)

養心殿去過好多次，亦去過好幾間分店，試完之後始終覺得荃灣店係最好食，材料最新鮮。見呢排都靜靜地，咪約朋友去食晚餐，訂左位9點30，點知去到先同你講11點15cut單，11點45清場，12點關門，，，，都唔緊要，我地照食，但係發現味道已經唔同晒，麻辣叫中辣都一啲味都無，以前跟一份鴨血係用麻辣湯浸住，而家係好似滾水浸住，見到都唔多想食，啤酒款式由5，6種減到得返2種，員工服務差左好多，好多食物都話賣晒，11點已經同你講廚房收喇，有無野叫，你話無喇，佢即刻幫你清晒枱面既野，11點30已經話就唻關門，要你走喇，，基本上，所有野都差左好多，埋單仲要差不多2000，真係唔會再去食。