北海道牧場餐廳 (Closed)

偶爾去誠品行左轉，上kitchen 11見到竟然有平時稀有出現於food court的北海道牧場餐廳，心血來潮的我決定一試呢間粉嫩的食店。第一次食，當然要點著名的特餐($45)：牛油多士厚切永遠令人感覺良好，而且多士經烘過後份外脆口，呢個相信係厚多士吸引之處，最興奮係食落口有一股牛油的鹹味在纏擾，雖然heavy個異常滿足。可惜牛油塗得唔匀，睇得出多士的旁邊有數小塊未溶而依附一旁的牛油。炒滑蛋配火腿非常失望。滑蛋一點都不滑，而且過老，唔單止唔夠嫩口，更有少少鞋的感覺。另外，食落口亦都無牛乳的感覺，無咩奶味，分分鐘自己炒更好食。叉燒意粉叉燒幾好食，甜甜地都算入味，可惜分量過少，只得幾舊肉，所以食到既有限，唯有以火腿同炒蛋配意粉。不過湯底就唔錯，幾入味，唔會太鹹，反而令人有點驚喜。北海道熱咖啡偏奶味，幾香，唔洗加糖都唔會好苦。而且有少少奶泡，滑入口時有點滿足，唔錯。朱古力窩夫加$12要左份窩夫，上碟時一邊係花生醬，一邊係糖醬奶油。可能等到食完茶餐先食，所以食既時候已經冧左，一啲都唔脆，仲好似食緊格仔餅咁。麻麻地，過口癮食左兩啖就無再食。曾經被粉嫩的外面呃左，今日一試「炒滑蛋」後，決定以後都係