微笑韓國料理 (Closed)

尖沙咀厚福街不嬲係美食雲集嘅地方，今次嚟到秉承韓國傳統風味嘅微笑韓國餐廳，廚師同侍應都係正宗韓國人，所以無論菜式同食材，都係地道嘅韓國風味。海鮮炸醬麵濃稠的黑豆醬汁配上雪白的麵條，炸醬麵絕對係韓國嘅國民美食。麵條較軟身、黏口，而醬汁偏甜，吸盡醬汁精華，令人吃不停口。煎海鮮餅金黃色嘅外皮非常酥脆，入面則係煙韌Q彈。配料有唔少海鮮同韭菜，沾醬的味道比較清淡，不會搶了食材的味道。仲咗唔少串燒，香腸年糕串、羊肉串、牛外脊串、蝦串、雞軟骨串。其中香腸年糕串非常有韓國特色，年糕軟諗彈牙，香腸嘅外皮亦非常香脆，配上韓式嘅甜辣醬，非常惹味。另外，羊、牛肉都好濃肉味，點埋自家調製的調味粉，氣味芳香而濃烈。環境好舒適，好多卡位，一大班朋友坐都okay！