糖室 (Closed)

兩條友黎食甜品，真係做嘢後必做嘅事。食甜品可以放鬆心情，令到心情愉快，當然都要選擇好味嘅甜品店，去到捐窿捐隙搵嘢食，走到老馬咁遠嘅南山村食甜品，其實都係咁岩喺附近做完嘢先走過來食。裏面裝修比較簡約，餐牌都好得意，過膠一格格。雖然天氣凍凍地，但係見到啲冰都好吸引，抺茶控點可以唔揀抺茶呢？宇治抹茶冰＄42裏面有啲紫薯粒，手制抺茶餅，白涼粉，煉奶，蜂蜜，北海道牛乳雪糕。覺得最神奇嘅事情係實物竟然比圖片仲要大，綠茶味都幾香濃，食到裏面就發現有好多寶物。除咗有好有口感嘅抺茶餅之外，仲有爽口涼粉，仲有啲牛奶味雪糕好滑，配埋煉奶和蜂蜜味道更加正。鐵鍋棉花糖吐司＄56呢個最得意係有少少熱辣辣，咬起嚟仲可以拉到一條條絲！賣相本身已經好靚，都幾大件架。上面都係有一球雪糕，隔離有士多啤梨同埋早餐脆片，又甜又酸口感層次都豐富。上面仲有啲糖粒粒，入口即溶而且價錢相宜，有少少諗起平時去燒烤場食嘅燒綿花糖。 如果想飲水嘅話自己去斟，自助形式唔使俾錢架。