Paintable Cafe (Closed)

腸胃不適的假期，真心掃興，不過約咗好友，一於頂住去吃午飯，幸好佢約左位於上環 Painable， 對我來講車程不遠。中午時份來到客人挺多，幸好我們有訂坐，安頓下來後隨即用手機點餐。點好餐才有心情看裝潢，最吸睛就在戶外位置的壁畫，用上很多色彩，繽紛得令我暫時忘記不適的感覺，心情也好些。但天氣實在太熱還是回室內抖氣。胃痛喝不到咖啡，乖乖地點了茉莉花茶$48是整壺地奉上，味道清新、芳香，茉莉花越浸越出回甘，熱呼呼的令我感到很順氣。去cafe 離不開吃全日早餐黑松露炒蛋，煎大蕃茄、牛角包，蘑菇煙肉，香腸、沙律菜等基本上全日早餐應有的也齊，唯缺焗豆。我們也一致認為最正是嫩滑無比的黑松露炒蛋和酥脆的牛角包，整體上冇太多被挑骨頭的地方。自創菜式「慢煮雞胸肉肉醬牛角包窩夫配沙律菜」$88以往吃過其他店的croffle 九成都唔啱我口味，這個就不一樣，有一定的厚度，入口相當香脆，富牛油香味，估唔到同肉醬會咁夾，慢煮雞胸一啲都唔鞋口，仲幾juicy 添，高水準之作。熱情果梳打 $58賣相就幾靚，半個熱情果做裝飾，朋友話酸甜度適中，冰凍解喝，十分消暑。今餐點到即止，期待下次再嚟過 。