四季文昌 (Closed)

工作左一個星期，難得等到星期五，當然同屋企happy Friday night 一下喇。訂左檯七點，十分準時入到去，今次亦有卡位坐，空間感十足。地點十分方便，就係美麗華隔離。由於呢度真係有好多唔同種野食揀，所以手快快就揀左一個四人份竹笙椰子雞套餐 $688。店員亦好樂意解釋套餐裡面既唔同餸菜。順帶一提，裡面有部中型電視，一路都播住英文／韓國流行曲既mv，但不論食物、或是裝修都係好中式既，成個combination有啲搞笑。話咁快就黎左個椰子雞湯喇，職員幫我地放曬啲雞落去個煲度，滖起煲熟就食得。如果驚唔識就時間既話，每張檯都放有一個漏斗，倒轉個漏斗落晒啲沙咁就岩岩好食得㗎喇！(漏呀漏呀)滾了！一打開煲蓋就聞到濃濃既耶香味 雞件都算嫩，椰子變軟身。綜合椰子，雞，同個湯黎講，個湯絕對係最出色呀！如果一滾就飲湯既話就會飲到好大陣椰子味，雞味就比較弱。我地四個人一致認為比佢滾多5－10分鐘雞味會比較出。同行四人都覺得個湯好入味，真係清晒個湯咁濟先捨得加水開始打邊爐呀！海南珍珠元貝， 煮完真係大縮水啊，不過佢既元貝係痴住個殼既，唔係呃人既重用殼羽衣甘藍，老實講真係第一次接觸呢個菜，個名起得幾好聽。