四季文昌 (Closed)

忙左咁耐，最近終於有時間整理下啲食評😌前排有陣子好興食椰子雞鍋，冇時間上大陸食，於是有日就同屋企人近近地試咗尖沙咀嘅四季文昌～試左椰子雞鍋，湯底係用新鮮既椰子水，店員係我地面前即場倒入鍋入面，再加入雞塊，蓋上蓋，有個計時漏斗計住。由於湯底並唔係一般既清水，而係新鮮椰子水，所以成個鍋係有超香既椰子味，而且超清甜，我忍唔住未食野就飲左兩碗😋😋😋安格斯牛小排，肥牛色澤好好，雪花好靚😍😍😍唔洗我講淨係睇圖都知好食，嫩口又香牛味👍🏻👍🏻👍🏻雖然偏貴，但對得起傾錢。玫瑰黑豚腩片，我唔係識好識食豬肉，對我隻隻豬肉食落既味都一樣😂不過依個值得讚下既係佢擺盤好靚，平平無奇嘅豬肉片可以摺成玫瑰花嘅樣，幾有心思。食物方面雖然價錢偏高，但質素幾好，整體都幾好食👍🏻飲品方面，屋企人個個都叫咗個椰青，而我就試吓啲特別啲嘅嘢，試左個四季魔法梳打，不過唔係好岩我口味😅下次都係飲返椰青最穩陣😂

無幾耐之前黎食過，而家補番篇食評先，呢間我之前嚟過一次，係朋友帶我地食既，今次心思思想食椰子雞煲就嚟返嚟間幫襯。叫咗半隻雞，個椰子湯真係好清甜,落啲雞落去，再用個沙漏計時，啲雞啱唔好熟，好滑好香好味。另外叫左必點既響令,落啲湯到過一過,非常好味，仲有叫左d雜菇雜菜，丸同我至愛既生蠔，全部都新鮮好味，有一點比較可惜既係，如果要加湯既，唔會加椰子湯，如要加椰子湯，要另外俾錢。如果改一改呢點，我會成日黎幫襯。

和朋友來到尖沙咀, 經過金巴利道見到姐姐好熱情在門外發傳單，看過菜式後覺得不錯, 所以和朋友决定一試。店內裝潢,簡潔大方，算是寬敞，坐下來蠻舒服,會感到很放鬆。我跟朋友分別點了一個豉汁白鱔籠仔蒸飯和蛋包飯。白鱔蒸飯確實值得期待！白鱔分量足，豉汁足够，開胃又好味! 蛋包飯，口感嫩滑，有一點蛋汁依附在熟蛋上，但無落鹽調味有點失色。環境舒適，服務態度就一般般的，性價比還可以,下次有機會會再來食!

星期五晚同班同事食飯小聚之前食過佐敦覺得不錯今次見尖沙咀有就walk in黎食都係椰子鷄鍋，可惜已經冇佐敦嗰次咁清甜隻鷄仍然keep到個肉質，ok ge但侍應態度真係好有問題成班圍埋一圈掛住傾計叫左幾次，明明已經望到你，但無視你繼續傾上次佐敦，啲staff好好，教曬你幾時食幫你落鷄留意到你夠時間食得會黎幫你收鍋蓋呢間，完全由得你死食過知夠時間起蓋食得，張枱完全冇位比你擺個蓋個蓋又燙手又熱，叫班人幫手又係無視你三三兩兩掛住吹水喂大佬椰子雞你地招牌黎架喎，可唔可以上心啲其實食物質素都冇咩問題架但人既質素先係出事所在下次要食，真係唔好貪就腳tst四季文昌？真係冇下次

以尖沙咀區嚟講，呢到嘅下午茶餐都算抵食。 一個迷你飯，再搭多個小食俾你選擇，唔加嘢飲$38就一餐。免加一我哋2個女仔食，一人點咗一個下午茶餐迷你叉燒嫩蛋蓋飯嫩蛋滑嘅，味道唔錯。咸蛋黃炸雞咸蛋好香，但有啲膩。迷你四季文昌海南雞飯雞幾滑，飯係雞油飯，有3隻醬，3隻都好好味。文昌花雕醉雞翼無特別，正常味道。不過2個飯都唔熱，係常溫，唔凍唔暖。

好清 唔放其他肉，只一隻雞三人吃不錯。有個小計時的東西，約7分鐘就可以吃，隻雞分半邊半邊煮,建議大滾後即下雞轉小火，煮7分鐘。頭半隻好鞋，後來發現menu有教，沒有店員提Fresh油墨葉同coconut water好夾。要煮林D先入味。中間的加了小桔，有點泰國風味，雞同另外蒜味soy也很和諧 。新鮮咸蛋黃魚皮，我勁愛!!!! 評 ：9/10, 真係黃金沙包魚皮，但不建議放清湯吃。因為會影響原味。coconut肉煮完好林，加soy汁好好味，估唔到夾。驚起之作，與圖片不一樣，從來都無諗過個ice-cream甘上同味道很清，不是重奶味那種，不算太甜，內裡有一粒粒coconutice在內。評:9/10 服務可以主動教客人，唔係叫我們自己睇menu點煮。總評： 我會再去8.5/10

同屋企人第一次來食，食到一半！感覺到好熱，本身都好怕熱！以為自己問題！但發現根本沒有開冷氣問職員有無開冷氣！問咗一名員工！問完他沒回覆便走了！好像我沒有問過！再一次問其他員工！員工說跳了制！師傅要930先可以修理！為何一開始唔告訴我們！隔了20分鐘！另一枱又投訴沒有冷氣！員工死死地氣開冷氣！仲要開返所謂跳制既冷氣！原來個維修師傅就是員工！話冷氣無事便可以開！怪不得星期五的7,8點時段都沒有爆場！下次請我都唔黎！

lunch set好平，地方又夠大。最平$42就有，又有特飲，又有湯。佢既蛋包飯，係用滑蛋，同平時既蛋包飯唔同。鍾意吃生蛋既人，一定like雞扒既皮少脆，再加上燒汁，唔錯在尖沙咀區，整體性價比超高

成日聽朋友講，四季文昌椰子雞火鍋有特式，約左幾個同事去試下，原來用咗新鮮椰子和椰皇水做火鍋湯底。我最喜歡手打墨魚滑、蝦丸、墨魚丸，但係最有特式菠蘿沙冰、椰子沙冰，高級火鍋店真係與別不同。

記得前年在太子附近的餐廳食過椰子文昌雞火鍋，感覺清甜不油膩，一直念念不忘。今日橫掂去花墟買花，順道繞過去食午餐。原來隨了火鍋，午餐還有飯，米線供應。我和友人各點飯和米缐一款互相分享。椰子雞湯米缐清淡的湯底，如椰子味再出味一點會更好。雞肉好滑溜，沒有多餘脂肪，連雞皮也不覺膩。义燒滑蛋蓋飯似坊間的暗然銷魂飯，份量好多。半熟半透的蛋滑溜溜，义燒不肥不瘦剛好，肉質軟熟。每人一盅老火椰子燉雞湯，夠火喉，鮮甜滋潤補身。事隔一年，水準依舊，讃！

第一次寫食評，是因為這餐廳的短髮女服務員對客態度特別差，我們是星期日中午11:30am 去到，她告知折扣優惠只適用於火鍋單點！那不要緊，我們就點選午市套餐！當示意落單時，那女服務員完全沒有回應，等了差不多20 分鐘，才有一個男服務生走過來落單！雖然這間餐廳沒有收取10% 服務費，但我寧願自助點餐，也好過看人面色！

午餐黎呢到打邊爐。去到坐低，叫左半隻椰子雞火鍋，等左七個字，都冇動靜，問佢地點解咁耐，佢地先話啲雞未返，要等貨返。既然都黎到，就等埋佢。再等多半個中，啲雞返左貨。個椰子湯底係幾清甜。飲完如果加椰子水就要比四十蚊，所以加水算。叫左兩杯咩荔枝特飲，係啲色素水 ，唔好飲。椰子菠蘿特飲先難飲，成杯都係冰又淡，完全唔知咩黎。 侍應個個都黑口黑面咁，收錢個人又係咁。同埋叫極都冇人黎。成班企晒係門口水吧個面傾計。環境坐得幾舒服同埋好文青feel.。係啲服務差啲囉。

來到尖沙咀金巴利道吃椰子雞，還點了不同配料來打邊爐！剛好外面天氣很冷，吃火鍋最適合了。兩個人坐四人檯，位子寬敞，不過餐廳空調不大，有點悶加空氣不流通整體來說，打邊爐的食材都高質，但是價錢相對偏高！原味海南椰子文昌雞，切好的一整隻雞還加了雞頭，能吃到雞各種部位的肉。等湯滾之後，聞到淡淡的椰子香，服務員幫我們下雞肉，等沙漏漏完就能吃啦一打開就看到湯上浮了整整一層雞油😂雞肉吃起來的口感跟平常入菜的雞不同，肉質超級有彈性，雞皮厚厚一層很有嚼勁，需要咬得用力一點湯喝起來就跟椰青一樣，沒有過多的調味，很好喝新鮮椰青–一整顆椰子非常甜，必點飲料又清熱！四季牛肉拼盤–這盤含有不同的牛肉部位，A4和牛肉眼油脂豐富牛肉味很濃手切安格斯牛頸脊和黑安格斯牛小埋放入鍋裡涮一下就能吃了，很軟嫩牛舌分長切和牛舌粒口感兩者不同，前者吃起來有嚼勁和彈性，後者比較難咬，牛柳粒偏硬新鮮野菜藍–一大籃都是日本直送的蔬菜，份量很足，娃娃菜吃起來有甜味，真是大吃一驚！四季手工丸拼盤–這盤有蝦丸、牛肉丸和花枝丸等，我覺得普通沒有比較特別，而且魚味很重，牛丸太軟沒有彈性文昌鴛鴦拼盤–用架子上桌的福袋和餃子很有氣勢，福袋大大個包了豬肉

本星期係生日週，少不免都係飲飲食食！今日就跟媽媽婆婆去食好嘢:文昌椰子雞煲！🐔🐔讚👍👍👍👍👍1.椰子湯係用成個椰青加d椰肉去整，好香好清甜好好味！2.d雞好滑，又唔肥，食得出唔係冰鮮雞！3.手打丸彈牙好味，仲有好funny嘅梅菜豬肉丸！4 .牛肉叫最cheap果隻肥牛都覺得好夠靚！5.service好，會幫您計時食物幾時食得！6.環境舒服，坐卡位唔會迫！彈:👎🏼👎🏼👎🏼👎🏼1.食物嘅份量比較少，食唔飽2.對住我呢d窮等人家係有d貴啦四季文昌 網址: https://s.openrice.com/QrbS0JAi700地址: 尖沙咀金巴利道35號金巴利中心1樓電話: 27787955#誠實食評#雞煲#文昌雞煲#打邊爐

雖然過咗十五，繼續有團拜活動。朋友訂左呢間餐廳，一行11人食椰子雞煲。比左間房我地。我最後一個到，一去到成台野食。😍😍😍新年流流梗係要撈起，叫左份<黃金撈起>一齊撈起。（味道冇特別，純粹攞個意頭👏🏻）攞星星位⭐⭐🍲竹笙椰子雞煲湯底首先要讚，就係椰子🥥火鍋湯底。好清甜，椰子有椰子味🤣🤣🤣（唔似溝水）。雞肉好嫩滑，完全唔會鞋颯颯。🐮打邊爐邊少得肥牛/牛肉，叫左份手切牛肉： 好新鮮，有牛肉味。正！！！值得試！🌱韭菜餃，覺得似係自己包。淥完啲韭菜仲好青綠，好香韭菜味。🐟鯇魚片，本身唔鍾意食魚嘅我，都試咗。幾滑，無腥味 🥗蔬菜籃，都好新鮮。特別欣賞佢個油麥菜，好嫩。係椰子湯底淥完出嚟原來係好鮮甜最後我哋叫咗個2個椰子雪糕試吓，老實說冇咩特別。只係雪糕入面有啲椰子肉。整睇食物方面都唔錯新鮮，員工服務態度都幾好。只係坐喺房入面比較難叫侍應落單。同埋唔知係咪太多人，個冷氣唔係好夠。