泰潮 (嘉咸街) (Closed)

📍泰潮 (中環)中環嘉咸街7號地舖-----⏰最近大部分時間都Work from home，B仔同家姐係屋企都悶到不行，所以就冒住比阿媽鬧嘅危險，夜晚近近地去咗屋企附近食呢間我之前有食過嘅超抵米芝蓮泰菜，過下鋪出街癮。黎到之後我地諗都唔諗就叫返我地常叫嘅2人餐😁，貪佢夠抵食又豐富，前菜、湯、飯、肉、咖喱、菜同甜品都有齊曬，賣單兩個人都唔使$300🤩。-#冬陰功湯：傳統泰式火鍋爐不斷加熱個湯，所以一路飲都非常熱辣辣，湯底材料好豐富，有番茄🍅、蝦🦐、秀珍菇、貢丸同香蔥等，酸中帶辣，辣中又帶鮮，醒神開胃。-#泰式炸蝦餅拼春卷：蝦餅同春卷都係新鮮炸起，記得擺番一陣先食，如果唔係會頗為燙口。蝦餅彈牙又扎實，帶微微香葉味。而春卷內餡則以蔬菜為主，食落感覺輕盈。🥢-#泰潮海南雞：佢哋最出名嘅海南雞比得一啲都唔手軟，2人份量多得驚人。🐥雞肉食落嫩滑有雞味，雞皮皮下肥脂肪唔多，卻有一層膠原感滿滿的上湯啫喱，呢個價錢黎講算係好出色。-#雞油飯：🐣雖然呢度海南雞最出名，但其實B仔更愛佢嘅雞油飯，吸盡雞油精華嘅飯粒，味道香而清，粒粒分明，乾爽唔油膩，連我呢啲唔鍾意食飯嘅人，竟然都可以成碗食晒。-#泰式咖喱蝦球