御の味 (Closed)

今晚去開灣仔，我fd帶我去一間樓上日本菜。一出lift，感覺超好，裝修闊落同埋好多卡位，盡情傾計啱曬！一坐低，貼心店家即刻奉上暖茶。由於我地太耐無catch up，我地極速order左一個sukiyaki set同埋壽司set就開始傾傾傾。sukiyaki一上黎已經成功吸引到我目光，d牛肉好滑同埋份量算大！入面d烏冬完全吸收曬d湯汁，好正！之後我既壽司set就上場喇，就咁睇已經見到d魚好新鮮。除左有當日最新鮮推薦既池魚同油甘魚之外，仲有海膽同埋帆立貝壽司，滿足曬我呢個貪心既人。飯同魚既比例幾好，魚片啱啱包裹曬下面既飯。呢度無論食物質素同私隱度高既座位都令我好滿意！