Chalet (Closed)

第一次黎呢間小木屋 環境好舒服！ 首先嚟咗個南瓜湯配麵包。之後點左一個蟹肉餅，成個蟹肉餅有外脆內軟嘅感覺，檸檬汁配襯住啖啖的蟹肉，超好味。另外左白酒忌廉煮青口配麵脆片，個忌廉味好濃 但又唔會遮住左個白酒味，而且青口夠滑，d肉又有咬感，配埋呢個扁身酥脆煙韌嘅麵包，簡直係一流。主菜叫咗個牛扒配龍蝦，牛扒肉味濃郁，中間仲係好粉嫩，肉汁鮮嫩。至於個魚就比較淡，成個汁都係冇咩味咁，而且魚都唔係滑身嗰種，所以就普普通通啦。生日係有驚喜嘅，佢話碟都畫得咁唔錯，所以呢個係有加分嘅。