鮨樂 (鱷魚恤中心)

Open Now

Now Closed

我同朋友原本預訂既餐廳因為爆水管而停業兩天,見依openrice零差評,同睇相魚生好靚好吸引,就轉左食依間餐廳。我同朋友點既都係梅套餐。前菜係沙律同湯,味道正常。主角壽司登場，同之前睇既食評一樣，賣相一流，令人充滿期待。我地最先品嚐既係海膽，味道唔錯，幾鮮甜。接下來的蝦都唔錯，可惜味道有點嗆，我地以為係自己點太多wasabi既原因。食多幾舊依然嗆鼻，發現原來係壽司暗藏玄機，每舊魚生同飯之間都已經加入wasabi,但師傅實在太大方,搞到我地好似好緊辣辣壽司邊個食咁，只食到wasabi既「攻鼻」。我地將wasabi挑走,壽司既味道總算回復正常，味道不過不失，冇咩突出。直到赤身登場，我震驚了!全餐最高能的壽司出現了，入口只有一個字:腥!而且係非常經得起時間考驗既腥!腥到飲茶都清唔走,腥到離場都仲係口中揮之不去，勁!最後一件拖羅睇相好靚，但入口冇拖羅既甜同酸，而且有淡淡既腥味，我既評價係:不如不吃。依間餐廳最神奇既係，佢既魚生賣相好好，花紋好靚，但味道就一言難盎，完全詮釋金玉其外，敗絮其中。真係好想問佢點做到賣相同味道完全無關係。